Mistera estas la novjarfesta nokto. Infanoj kaj plenkreskuloj, junuloj kaj olduloj – ĉiuj atendas ion neordinaran, fabelan kaj animtuŝan. Mi dediĉas ĉi tiun versaĵon al ĉiuj, kiuj deziras sperti en la stelplena decembra nokto pacon kaj miraklojn.

Legu pli »

Dezirante daŭrigi multjaran belan tradicion de Zamenhof-festoj en Jekaterinburgo, ankaŭ ĉi-jare ni komencis antaŭpreparon al ĝi. Sed sur la vojo de nia bona intenco aperis kelkaj ne ignoreblaj obstakloj: pro la reganta en Uralo sezona virusa epidemio ekmalsanis ankaŭ pluraj gesamideanoj, kaj krom tio timigis subite veninta, spite al ĉiuj anticipaj veterprognozoj, ĝuste por la elektita de ni dato – 30 grada frostego. Tial antaŭtage de la festo mi restadis en la obskura maltrankvilo: “kiel ĉio pasos”. Legu pli »

La 1-an de decembro ekfunkciis la kurseto de Esperanto por komencantoj. Ĝi estas organizita en la ejo de la loka organizaĵo “Bona volo”, kies agado pri konservado de historia heredaĵo de la urbo estas vaste konata en Tobolsko. La lecionoj pasas dufoje dum semajno. Estas interese, ke ĉi-foje aliĝis kelkaj homoj, kiuj komencis studi la lingvon antaŭ multaj jaroj pere de leteroj aū dum kursoj. Legu pli »

La 9-an de novembro estas Internacia tago de langorompiloj.

Ekde 2011 la dua dimanĉo de novembro estas konsiderata kiel Internacia tago de langorompiloj. Ĝi estis kreita por memorigi al homoj, ke langorompiloj estas ne nur gaja amuzaĵo, sed ankaŭ estas utilaj ekzercoj por trejnado de elparolado kaj prononcado. Legu pli »

De post 2007 la 9a de oktobro estas en nia lando Tutrusia tago de legado, kiu celas aktivigi la librolegadon de civitanoj, veki intereson al literaturo, restarigi la prestiĝan renomon de rusianoj kiel de aktive kaj multe leganta popolo.
Legu pli »

Jekaterinburgaj esperantistoj havas proprajn negrandajn tradiciojn, kiujn ni penas sekvi. Unu el ili estas ĉiujara eksterurbiĝo dum agrablaj tagoj de postsomero, kiam ni vizitas iujn belajn lokojn en ĉirkaŭaĵoj de la urbo.
Ĉi-foje por la eksterurbiĝo ni elektis la rokaron de Pjotr Gronskij - lokon pitoreskan, interesan kaj historie signifan. Ĝi situas je 35 km de Jekaterinburgo, proksime al la loĝloko Isetj. Legu pli »

La regionografia muzeo de la urbo Niĵnevartovsko portas la nomon de esperantisto

Antaŭ 110 jaroj, la 10an de junio 1915, en la vilaĝo Aleksandrija de Stavropola gubernio naskiĝis Timofej Dmitrijeviĉ Ŝuvajev – veterano de la Granda Patrolanda milito, ordenito, instruisto pri historio kaj matematiko, direktoro de meza lernejo, esperantisto, regionografo.
Ekde 1959 li loĝis en la siberia vilaĝo Larjako kaj poste en 1963 transloĝiĝis en Niĵnevartovskon , fariĝis fondinto de la urba regionografia muzeo, aŭtoro de la regionesplora verko “Niĵnevartovsk”. En marto 1996 la urbo honoris lin per la titolo “Honora civitano de Niĵnevartovsko”.
Timofej Ŝuvajev, laŭ rememoroj de la filinoj, lernis Esperanton memstare en la 30aj jaroj antaŭ la Dua mondmilito, estis membro de SEU, SAT. Pri la lingvo lin atentigis la fama sovetia sciencisto kaj selektisto Ivan Miĉurin. Legu pli »

Mesaĝo de UEA okaze de la Internacia Tago de Espero
En januaro 2025 la Ĝenerala Asembleo de Unuiĝintaj Nacioj deklaris la 12-an de julio Internacia Tago de Espero. Universala Esperanto-Asocio entuziasme esprimas sian subtenon de tiu iniciato.
Kiel implicas ĝia nomo, la Internacia Lingvo Esperanto naskiĝis kaj plue vivas en etoso de espero – la kredo de juna kuracisto, Ludoviko Zamenhof, ke ekzistas alia vojo ol eterna militado, ke eblas kunvivi en paco. Zamenhof kreis internacian lingvon, kiu celis nutri esperon en ĉiuj popoloj pri alia vojo ol militoj, persekutoj, pogromoj, kaj persista malamo.
Milionoj da homoj lernis Esperanton: hodiaŭ Esperanto estas konata kaj uzata de individuoj tra la tuta mondo. Tiuj homoj nutras esperon pri mondo kie interhoma komunikado reduktu kaj fine estingu la malfidon kaj batalemon kultivitajn de tro multaj homoj hodiaŭ. Legu pli »