Renkontiĝo de Amikoj-14

Almanaŭ unu fojon en la vivo oni devas ekvidi malproksiman sed nekredeble belan teron - Kamĉatka! Unika ebleco fari tion en la grupo de samideanoj, sub esperanto-flago! Ni invitas kuraĝulojn al nia adventuro kaj promesas multajn interesajn aferojn: vi vidos vulkanojn kaj oceanon, manĝos diversajn fiŝojn kaj kaviaron, flaros liberajn ventojn!

RA: 

OSER-50

OSER-50

Karaj amikoj!
Tomsk invitas Vin!


01-----05.05.2019

En printempa Tomsk ni festu per bunta programo 40-jariĝon de Tomska E-klubo!
Komencantoj kaj E-kursfinintoj - speciala programo por vi: "Ekparolu ni!"
Новички и закончившие Э-курс в этом году - специальная программа для вас: "Давайте заговорим!"

Zamenhof - tago 2018 en Jekaterinburgo

La tradicia festa decembra kunveno de uralaj esperantistoj okazis ĉi - jare en Jekaterinburgo la 22-n de decembro en la Domo de Uralaj Popoloj. La Zamenhof - tagon aŭ la Tagon de la Esperanta libro partoprenis 19 homoj, el kiuj 17 estis jekaterinburganoj kaj du gastoj el najbaraj urboj : Lidija Jerofejeva el Niĵnij-Tagilo kaj Pavel Veselov el Tjumeno. La programo de la esperantista festo estis varia: kelkajn tagojn antaŭ la aranĝo  en la Domo estis organizita la ekspozicio de Esperantaj libroj. » Legu pli pri Zamenhof - tago 2018 en Jekaterinburgo

Urboj: 

Aranĝoj: 

Decembra poezia marŝo en Volgogrado

Volgograda klubo '' Espero'' kun plezuro subtenis la projekton de REU “Decembra poezia marŝo de esperantistoj”.  Unue ni okazigis la voĉlegadon de Esperantaj poemoj dum nia komuna vizito de la unika privata “Muzeo de muzikiloj”, ekskurson en kiu ni mendis pli frue. Kaj post la ekskurso oni permesis al nia grupeto iom informi la ĉeestantan neesperantistan publikon pri nia lingvo kaj ĝia kreinto kaj deklami poeziaĵojn en Esperanto. Ni estis kvarope kaj havis insignojn sur la brusto. Ludmila Bikova emocie tralegis la faman verson de Zamenhof  ''Ho, mia kor' ''. » Legu pli pri Decembra poezia marŝo en Volgogrado

Klubkunveno post dudek jaroj

  Mirinde estas, ke ni ne povas antaŭdiri nian vivvojon. Tamen la vivsperto pruvas, ke ĉi tiu fakto faras nian ekziston sur la Tero pli brila, pli emociriĉa kaj diverskolora.Antaŭ multaj-multaj jaroj  en Niĵnij-Tagilo fondiĝis Esperanto-klubo “Renaskiĝo”, en 1986, se esti pli ĝusta.  Kiom mi memoras, kiel sekretario de la klubo, ni kunvenis tiam dum kvin jaroj vere aktive, ĉiuvendrede je la sepa horo vespere, en la kulturpalaco “Jubilejnij”. Ni kolektiĝis,  provis paroli Esperante. Ni sentis nin absolute feliĉaj, enirante en  Esperantujon. » Legu pli pri Klubkunveno post dudek jaroj

Rezultoj de la tutrusia Esperanto-projekto de REU “Decembra poezia marŝo de esperantistoj”

Jen venis al la fino la anoncita tutrusia Esperanto-aktivaĵo “Decembra poezia marŝo de esperantistoj”, kiun ni dediĉis al la Zamenhof-tago kaj al la Tago de la Esperanta libro. La projekto celis unuigi diversurbajn esperantistojn kaj aktivigi Esperanto-agadon en regionoj, popularigi Esperanto-poezion, instigi legi Esperantan literaturon. » Legu pli pri Rezultoj de la tutrusia Esperanto-projekto de REU “Decembra poezia marŝo de esperantistoj”

Baldur Ragnarsson (25 aŭgusto 1930 - 25 decembro 2018)

La 25-n de decembro 2018 forpasis Baldur Ragnarsson, tutmonde konata esperantisto el Islando, lingvoinstruisto, lerneja ĉefinspektoro, ano de Verkista Asocio de Islando. Li verkis islandlingve poemlibrojn kaj fakajn librojn pri la islanda lingvo. Baldur Ragnarsson lernis Esperanton kiel gimnaziano en1949 kaj aktivis movade (lande kaj internacie) ekde 1952, estis Prezidanto de Islanda Esperanto - Asocio dum multaj jaroj kaj estrarano de UEA pri kulturo kaj eduko en 1980 – 86, vicprezidanto de UEA  en 1980 – 83, prezidanto de Belartaj Konkursoj de UEA en 1975 – 1985. » Legu pli pri Baldur Ragnarsson (25 aŭgusto 1930 - 25 decembro 2018)

Irina Gonĉarova. Esperanto-instruistoj de Rusio

Irina Gonĉarova

Naskiĝdato: 10.11.1951

Jaro de esperantistiĝo: 1967

Loĝloko: urbo Odincovo, Moskva provinco, Rusio

Profesio: instruisto de Esperanto

Instruista kvalifiko:
diplomo de Moskva ŝtata pedagogia instituto je la nomo de V. I. Lenin, specialeco: instruisto pri la rusa lingvo kaj literaturo;
Dokumento de la Akademio internacia de la Sciencoj (AIS) San Marino, la fako: neekzaktaj sciencoj;
» Legu pli pri Irina Gonĉarova. Esperanto-instruistoj de Rusio

Ural-Siberia regiona aktivaĵo “Libroj, kiujn ni legas”

Rezultoj de la Ural-Siberia regiona aktivaĵo “Libroj, kiujn ni legas”

Verkado, same kiel parolado, apartenas al aktivaj formoj de lingvouzado. Tial la pasinta Ural-Siberia regiona reta aktivaĵo “Libroj, kiujn ni legas” celis unuavice “inspiri libroŝatantojn al legado de libroj en Esperanto, popularigi interesajn librojn, entuziasmigi legantojn por verkado de komentarioj kaj recenzoj pri legataj aŭ legitaj verkoj”. Nemalgrava fakto estas, ke ni dediĉis ĝin al la 159-jara naskiĝdatreveno de Ludoviko Zamenhof kaj al la Tago de la Esperanta literaturo. » Legu pli pri Ural-Siberia regiona aktivaĵo “Libroj, kiujn ni legas”

Aranĝoj: 

Aleksandro Melnikov. Esperanto-instruistoj de Rusio

Profesoro Melnikov afable respondis demandojn de Vladimir Opletajev. Liaj rememoroj pri multjaraj spertoj instrui Esperanton en – kaj eksterlande estas utila informa kaj edifa rakonto ne nur por instruantoj de Esperanto sed ankaŭ por ĉiuj scivolemaj legantoj, kiuj ŝatas legi aŭtentajn materialojn. La mallongigo“E-“ en la teksto signifas „io rilata al Esperanto: lingvo, movado, homoj, kutimoj ktp.“

Aleksandro Melnikov

» Legu pli pri Aleksandro Melnikov. Esperanto-instruistoj de Rusio>

Novojarsk-2019

Karaj amikoj! Denove ni renkontos Novan Jaron en Krasnojarsko! 31.12.2018 - 5.01.2019 Se vi ne volas enui hejme dum longaj vintraj ferioj, bonvenon al la renkontiĝo Novojarsk-2019! Jam tradicia Siberia Novjara renkontiĝo invitas vin!

Aranĝoj: 

Vojaĝo kaj partopreno en Rusiaj Esperanto-Tagoj-2018 apud Ŝujo

Mi ŝatas RET-ojn, kaj jam multajn el ili mi sukcese partoprenis. Sed verdire ĉi-jare, pro diversaj kaŭzoj en la laborejo, mi dubis ĝis la lastaj tagoj, ĉu mi trafos RETon-2018. Feliĉe la sorto turnis sin vizaĝe al mi kaj donacis al mi tiun eblon. » Legu pli pri Vojaĝo kaj partopreno en Rusiaj Esperanto-Tagoj-2018 apud Ŝujo

Aranĝoj: 

Nia vojo al RET kaj ĝia unua tago

Mi devas diri, ke al la urbeto Ŝujo, kie okazis la ĉi-jara RET, mi vojaĝis la unuan fojon ne per trajno, kiel kutime, sed per aŭto, ĉar jekaterinburga esperantisto Sergej Kumkov afable kunveturigis min laŭvoje dum sia vojaĝo al la internacia kongreso de matematikistoj en Francio  al restadejo de RET – eksa bieno de fabrikanto Neburĉilov. Ni komencis la vojaĝon la 30-n de junio frumatene kaj bonorde veturis, ja Sergej lerte kaj leĝobeeme stiris la aŭton. » Legu pli pri Nia vojo al RET kaj ĝia unua tago

Aranĝoj: 

La dua tago de RET-2018

La dua tago de RET komenciĝis de la bela frumatena promenado en la ĉirkaŭaĵoj: mi iris iom esplori la apudan arbaron. Senhaste mi paŝis laŭ arbaraj padoj, ĝuante la belecon, kiun kreis la granda majstro - naturo. La someran arbaron plenigis diversvoĉeco de birdoj, maro de sonoj kaj susuroj; en ĝi estis freŝeco kaj pureco de la aero, en ĝi abundis tre hela kaj sukplena verdaĵo en roso, kiel en arĝento. » Legu pli pri La dua tago de RET-2018

Aranĝoj: 

La tria tago de RET. Ekskurso al Ŝujo. Lignofajro.

Tuj post la matenmanĝo ni veturis ekskursi kaj konatiĝi kun la urbo Ŝujo.

Necesas diri, ke Ŝujo estas ne tre granda (la tria en la Ivanova provinco laŭ la kvanto de la loĝantaro) urbo, havanta la antikvan historion. Ĝi estas konata de la ХVI-a jarcento, kiam ĝi estis riĉa urbeto ĉe la kruciĝo de komercaj vojoj. Siatempe Ŝujo estis eĉ pli grava ol Ivanovo, ĉar ne ĝi apartenis al la Ivanova provinco, sed Ivanovo-Voznesenko estis en la konsisto de Ŝuja distrikto. Nomo de la urbo estas ligita kun Ŝujaj princoj, kiuj posedis la urbon dum ĉirkaŭ 200 jaroj. » Legu pli pri La tria tago de RET. Ekskurso al Ŝujo. Lignofajro.

Aranĝoj: 

Paĝoj

Abonu al Ural-Siberia Esperantista Movado RSS