La 5-an- 8-n de septembro en la urala ĉefurbo pasis la festivalo “Tagoj de Boris Riĵij”, dum kiu okazis tuta vico de diversaj kulturaj eventoj. Kelkajn el ili mi ankaŭ sukcesis viziti.
La 6-an de septembro en la halo de Belinskij-biblioteko estis organizita scienca konferenco, dediĉita al la poetiko de Boris Riĵij. Kun intereso mi aŭskultis prelegojn de jekaterinburgaj literaturistoj, filozofoj, analizintaj kreaĵojn de la poeto. Al la konferenco eĉ virtuale aliĝis kaj partoprenis kun la prelego filologo el Sankt- Peterburgo. En la sama tago en la fojero de la Ĉambra teatro en Literatura kvartalo malfermiĝis la ekspozicio-mediacio “Herooj de malfacila tempo: Lermontov kaj Riĵij” Du elstaraj poetoj, forpasintaj je 26-jaraĝo. En siaj versoj Boris Riĵij surprovis al si la sorton de Lermontov kune kun husara uniformo. “Kio ankoraŭ unuigas du tiujn heroojn kaj iliajn vivtempojn” – metis al si la demandon la organizantoj de tiu ĉi ekspozicio. Kaj ankoraŭ en la ekspozicio eblis vidi la unikan eksponaĵon:la aŭtografojn de ne publikigitaj ankoraŭ poemoj de la poeto el arkivo de Aleksej Kuzin. Legu pli »

Dimanĉe, la 1-an de septembro, en Jekaterinburgo okazis la tradicia evento, kuniganta sur la komuna tereno reprezentantojn de plej diversaj nacioj.

Tio estas festo, fondita en 2002 jaro kaj festata jam pli ol 20 jaroj. Ĝi nomiĝas Tago de Uralaj popoloj kaj pasis ĉi-jare en la urba centra parko de kulturo kaj ripozo. En 2024 la Tago de Uralaj popoloj estis koincidigita al festado de la 90-jariĝo de Sverdlovska provinco kaj al la Jaro de familio en Rusio.

Gastojn kaj partoprenintojn de la festo ĝojigis per sia beleco, gajeco kaj gastamo 27 naciaj pavilonoj, kiuj montris la tutan diversecon de kulturo de popoloj, vivantaj en Meza Uralo.
Ankaŭ funkciis artaj metiejoj, foiro de majstroj pri ornam-aplika arto; kaj ĉiu deziranto povis partopreni metiejojn kaj distrajn popolajn ludojn. Legu pli »

La 26-n de julio, en la Tago de Esperanto, jekaterinburga esperantisto Viktoro Kulakov estis intervjuita en la realtempa brodkasto “Utrennij ekspress” de televidaj ĵurnalistoj de la loka 4-a televidkanalo.

Dum la pasinta semajnfino en Jekaterinburgo pasis interurba Esperantista renkontiĝo, dediĉita al la Internacia Tago de geamikoj, festata la 9-an de junio. La unua nia provo festi tiun ĉi feston okazis pasintsomere, ankaŭ junie. Legu pli »

La redaktora grupo el Uralo prezentas Memorlibron pri Viktoro Kudrjavcev. Viktor Vasiljeviĉ Kudrjavcev (1957-2014) – elstara rusa urala esperantisto, propagandisto de Esperanto, fervora kursgvidanto, redaktoro, movada aktivulo. La PDF-formata memorlibro, kreita de geamikoj kaj kolegoj okaze de la deka mortodatreveno de Viktoro en 2024, figuras lian personecon de homo neordinara, dediĉinta multajn jarojn de siaj vivo kaj agado al Esperanto kaj esperantista komunumo. Legu pli »

Marjorie Boulton naskiĝis en 1924 (07.05) kaj edukiĝis i.a en Oksfordo kie ŝi doktoriĝis pri literaturaj studoj. Ŝi estis dum multaj jaroj la direktoro de instruista kolegio, poste iĝis profesia verkistino kaj poetino, kies serio de enkondukaj tekstoj en la angla pri literaturaj studoj estis vaste uzata. En 1949 ŝi lernis Esperanton kaj debutis en la Esperanta literaturo, en la Belartaj Konkursoj. Marjorie Boulton estis membro de Esperanto-Akademio, konsila organo pri lingvaj demandoj.

Legu pli »

Esperantistino el Niĵnij Tagilo Larisa Kuzjmenko rakontas pri Esperanto-kurso, kiun ŝi okazigis en la kultura centro por veteranoj de la urbo N.Tagilo. Legu pli »