La 1-an de junio mi partoprenis la Internacian forumon de virinoj, kiu okazis en Jekaterinburgo jam la duan fojon. Al la partopreno min invitis mia konatulino, eksa vicgubirniestro pri naciaj demandoj ankoraŭ ĉe la regiona registaro de la guberniestro E. E. Rossel (1995-2009). Nun Marina Jurjevna Plasunova loĝas kaj laboras en Moskvo kaj dum la forumo kontrolis la laboron de la sekcio “Internacia kultura humaneca kunagado”. Ŝi ĉiam tre bone kaj estime rilatas al Esperanto kaj aprezas la agadon de nia esperantista societo en Jekaterinburgo. Legu pli »

Antaŭ 100 jaroj naskiĝis Bulat Okuĝava (9.05.1924 – 12.06.1997) – poeto, prozisto, scenaristo, bardo kaj komponisto.

Li estis unu el plej elstaraj reprezentantoj de la ĝenro de aŭtoraj kantoj en 1950-1990 jaroj, la aŭtoro de ĉirkaŭ 200 kantoj, kreitaj je liaj propraj versoj. La kantoj de Okuĝava eniris en la vivon senprokraste kaj porlonge. Ili forte diferenciĝis de ĉio, kio tiam sonis en radio kaj dum koncertoj. Ili enhavis la intonacion de amikeca komunikiĝo, ŝajnis,ke kvazaŭ daŭris la konversacio kaj interparolo transiris de kanto al kanto. Legu pli »

Zamenhof ofte uzis pseŭdonimojn. Unu el la kaŭzoj certe estis lia granda modesteco. Sed li havis ankaŭ aliajn, pli gravajn kaŭzojn. Staris antaŭ li potencoj, kiuj povis kaŭzi malfacilaĵojn kaj malhelpi, ĉu lin persone, ĉu la aferon, por kiu li volis batali, kaj ŝajnis al li saĝe, ne elpaŝi kun sia vera nomo. Dum la studentaj jaroj, havante cionismajn aspirojn, li devis kaŝi sian nomon antaŭ la registaro, ĉar ĉiu publika agado de studento elvokis suspekton. Kiam li estis esperantisto, aliaj danĝeroj leviĝis.

Kiujn pseŭdonimojn uzis do L. Zamenhof? Legu pli »

Antaŭ 107 jaroj la 14an de aprilo 1917 forpasis la aŭtoro de Esperanto. Kiujn antaŭnomojn havis li? Tiun ĉi temon detale esploris N.Z. Maimon.

La unua nomo, kiun juda infano ricevas, estas hebrea kaj fariĝis kutimo, ke li ricevu la nomon de mortinta avo, aŭ – se tiu ankoraŭ vivas – de alia karmemora parenco. Kiu do estis la hebrea nomo de Zamenhof?

Legu pli »

La reta aktivaĵo “Dek tagoj kun poezio en Esperanto”, dediĉita al Tutmonda Tago de poezio daŭris en la Ural - Siberia dissendolisto ekde la 21-a ĝis la 31-a de marto.

Legu pli »

Ĉu oni povas lerni fremdan lingvon ĝis la nivelo de la gepatra?

Tio estas interesa demando, kiu ne havas unusencan respondon.

Infanoj-bilingvuloj faras tion senprobleme kaj povas libere paroli la familian kaj la oficialan ŝtatan lingvojn. Por plenkreskuloj, se ili ne estas lingve dotitaj, tre ofte la lernado de fremdaj lingvoj fariĝas ŝvitiga tasko. Fakuloj asertas kelkajn problemojn, kun kiuj kolizias plenkreskaj lingvolernantoj.

Legu pli »

La 2024-a jaro estas jaro de la 145-a naskiĝdatreveno de la urala verkisto Pavel Petroviĉ Baĵov (27.01.1879 - 03.12.1950), kiu famiĝis kiel aŭtoro de epikaj rakontoj, bazitaj je urala folkloro. Liaj verkoj kun la originala suka aŭtora lingvaĵo kaj interesveka kaj neantaŭprognozebla enhavo, riĉaj je legendoj kaj popolaj kredaĵoj, estas konataj tra la tuta mondo, ili inuigas diversajn generaciojn, diverslingve parolantajn homojn. Legu pli »

Laŭ la malnova rusa tradicio novjaraj festoj en Rusio daŭros preskaŭ ĝis la mezo de januaro. Dezirante ĝoje kaj utile travivi tiujn ĉi festajn tagojn, mi decidis rakonti kurte pri miaj novjaraj novaĵoj, kiuj estas ligitaj kun la agado de la loka societo "Bona volo". Ricevinte la ejon por nia organizaĵo en la tre malnova (1908-1909), neloĝata konstruaĵo unu jaro antaŭe, ejon en la ruiniĝanta stato, ni eĉ ne imagis, ke ni scipovos ion gravan organizi tie ĉi-jare. Legu pli »