Dum la 30-a Konferenco de Rusia Esperantista Unio (17. julio 2019, Tiĥvino, Leningrada provinco) Aleksandr Lebedev estis elektita nova Prezidanto de REU. Malgraŭ sia juna aĝo Aleksandr posedas jam spertojn de estrarano, sed nun li devas alfronti faskon da problemoj kaj seriozaj taskoj kiel gvidanto de la Estrara teamo kaj atingi la nivelon de multe pli granda respondeco antaŭ la membraro de REU. Legu pli »

La 1-4an de majo 2019 en Jekaterinburgo brile pasis la 4-a Lingvotrejnado. En la tria ĝia tago Raja Kudrjavceva — la ĉeforganizanto de la evento — rakontas pri kialoj de malfacilaĵoj dum la preparado, pri siaj ĉefaj helpantoj, pri la strukturo de la aranĝo kaj enhavo de la programeroj. Raja nomas la instruistojn kaj dankas ilin. El novaĵoj estos la instruado por startuloj kaj por C-niveluloj. Raja esperas, ke troviĝos aliaj organizantoj de lingvotrejnadoj en sekvontaj jaroj. Legu pli »

Mi plezure legis la artikolon de Irina Gonĉarova pri la lingvotrejnado en Jekaterinburg. Bedaŭrinde, mi povis partopreni nur dum unu tago kaj duono. Tamen mi sentas min feliĉa, ke ĉio pasis tiel bone kaj interese. Mi havis eblecon ĉeesti nur kelkajn programerojn. Plejparte mi partoprenis en la lecionoj de Ilja Gnusarjov, kun kiu mia edzo kaj mi konatiĝis dum la UEA kongreso en Slovakio, en Nitra en 2016, kie Ilja laboris kiel volontulo. Certe, li maturiĝis en Esperanto dum preskaŭ tri jaroj. Legu pli »

Do finiĝis la lingva trejnado, kaj mi revenis hejmen. La kapo kun granda malfacilo revenas al eksteresperanta vivo – hejmaj kaj laborejaj aferoj. Mankas instruistoj kaj spertaj homoj, kiuj pliriĉigus miajn sciojn. Mankas energio de granda urbo, amika etoso, kantado ĝis mateno, scivolemaj kapoj kaj helaj okuloj.

Certe mankas sento de ordigita, ne tiom rapida vivo, ĉar en la normala vivo mi preskaŭ ĉiam estas en terura hasto pro multaj farendaj aferoj. Do por mi vere gravis ellasi internan streĉon, kolektitan dum la vintro kaj la lernojaro. Kaj mi pli-malpli sukcesis ja. Legu pli »

La 1-an – 4-an de majo 2019 en Jekaterinburgo okazis la 4-a Lingva trejnado. La orda numero sugestas, ke la aranĝo jam iĝis tradicia, kio estas ĝojiga. Nelacigebla Raja Kudrjavceva estis ĉefa kunordiganto de la aranĝo. Mi vizitis la trejnadon kiel lernanto de la kategorio «C», do rakontas vidpunkte de tiu ĉi rolo. Legu pli »

Volgograda klubo '' Espero'' kun plezuro subtenis la projekton de REU “Decembra poezia marŝo de esperantistoj”.  Unue ni okazigis la voĉlegadon de Esperantaj poemoj dum nia komuna vizito de la unika privata “Muzeo de muzikiloj”, ekskurson en kiu ni mendis pli frue. Kaj post la ekskurso oni permesis al nia grupeto iom informi la ĉeestantan neesperantistan publikon pri nia lingvo kaj ĝia kreinto kaj deklami poeziaĵojn en Esperanto. Ni estis kvarope kaj havis insignojn sur la brusto. Ludmila Bikova emocie tralegis la faman verson de Zamenhof  ''Ho, mia kor' ''. Legu pli »