Aŭtuna lingvotrejnado. Gravaj atentigoj

1) Aktualaj prezoj por la loĝado en ”Uktus”.  

Jekatrinburgaj organizantoj jam faris antaŭmendojn kaj antaŭpagojn.

Loĝado en dulita ĉambro - 600 rub. de unu persono por diurno, en unulita ĉambro -1000 rub. por diurno. Trifoja manĝado dum la tago kostos  500 rublojn. Eblas mendi aparte: matenmanĝojn kontraŭ 130 rub., tagmanĝojn - 220 rub., vespermanĝojn - 150 rub.

Aliĝkotizo - 400 rub. Ĉio pagendas surloke  dum la registriĝo. Legu pli »

Aranĝoj: 

Ĉambro de l’ poetoj dum la 70-a IJK

Poezio estas muziko de animo. Ĝi estas torento el sentoj, brizo el pensoj, granda sekreto kaj krio samtempe. Ĝi estas mirindaĵo!…

Dum la antaŭlasta vespero de la IJK en Fortalezo esperantistoj havis tiun belegan eblecon fordroni en la magian etoson el sentoj, vortoj, pensoj kaj admira silento. La 23-an de julio por ĉiuj partorenantoj de la kongreso malfermis sian pordon “Ĉambro de l' poetoj”.

Legu pli »

Aranĝoj: 

Aŭtuna lingvotrejnado en Jekaterinburg - Informletero 1 kaj aliĝilo

En la novembraj festaj tagoj, la 1-an – 4-an de novembro 2014, en Jekaterinburg okazos unua aŭtuna lingvotrejnado por esperantistoj el Uralo kaj Okcidenta Siberio. La Bulonja Kongreso en aŭgusto de la 1905-a jaro deklaris, ke “Esperantisto estas nomata ĉiu persono, kiu scias kaj uzas la lingvon Esperanto”. La Organiza grupo de la Aŭtuna lingvotrejnado ŝatas ebligi al ĝiaj partoprenontoj pli aktivan uzon de Esperanto en diversgrada kaj diverstema parola praktiko. La programo de la trejnado efektiviĝos en du grupoj konforme al la niveloj A2 – B1,2. Ĝi celas aktivigi lingvokonojn de esperantistoj, evoluigi iliajn bazajn lingvokapablojn: aŭda kompreno, parolkapablo, skribokapablo, legokompreno, trakti fonajn kulturajn kaj movadajn temojn.

Jam aliĝis: 50. Legu pli »

La urbo Ĉelabinsko – skiza historio

La urbo estis fondita en la 1736-a jaro kiel garda kozaka fortikaĵo ĉe komerca vojo el Siberio kaj Mez-Azio. Ĝuste pro tio en la blazono de Ĉelabinsko aperis ŝarĝita kamelo apud fortikaĵa muro. En la jaroj 1860-1880 la urbeto havis 5000-8000 loĝantojn kaj funkciis ĉefe kiel ekzilejo kaj transitprizono por bagnuloj kaj politikaj ekzilitoj. En 1892 la fervojo el Moskvo tra Samaro atingis Ĉelabinskon, post kio la lasta komencis rapide kreski kiel komerca kaj industria urbo. Tiamaj ĵurnalistoj eĉ nomis ĝin “Urala Ĉikago”… Legu pli »

Urboj: 

Esperanto en Surgut

Unuaj praktikaj provoj informi kaj interesigi surgutanojn pri Esperanto revenas al la jaro 1976-a, kiam en Surgut eklaboris kiel instruisto de la germana lingvo post la fino de Tjumena universitato Vladimir Opletajev, eksa membro kaj sekretario de studenta esperantista klubo “Revo” en Tjumenj. Legu pli »

Urboj: 

Olga Ŝilajeva – ĉarmulino, saĝulino, esperantistino el Udmurtio

Olja, vi aktive kunlaboras kun uralaj esperantistoj kaj partoprenas multajn regionajn aranĝojn ĉi tie, ofertante al publiko interesajn originalajn programojn, kia estis ekzemple “Trejnado pri kreemo” dum EsPrimo-10. Kvankam geografie via urbo Glazov situas eksterregione, en Udmurtio, sed por multaj homoj vi renomiĝis jam kiel aktiva urala esperantistino. Mi petas vin respondi kelkajn demandojn por legantoj de la paĝaro “Ural-Siberia esperantista movado”. Legu pli »

Oni tamen fosas sian sulkon

Triviala ideo ĉu ne? - "uzu nian karan lingvon". Eĉ babile kun amiko kaj edzo. Manifestiĝas io delikate sensebla, nia strebo al libero. Kaj de iuj ekpunktoj eblas variaĵoj de la uzo. Serioza uzanto nepre komprenas ke valoras legi, lerni kaj kulture riĉiĝi. Evidente la plej efika maniero estas kuni kun samideanoj samlingvaj. Legu pli »

EsPrimo: 

EsPrimo esprimplena

EsPrimo (“Esperantista primavero”) estas printempa regiona renkontiĝo de uralaj kaj okcidentsiberiaj esperantistoj. Ĝin partoprenas diversaĝaj kaj diversnivelaj esperantistoj el urboj de Uralo kaj de aliaj regionoj de Rusio. EsPrimo de la nuna formato estis iniciatita de Viktoro Kudrjavcev en 2003. La  nomon de la renkontiĝo proponis redaktoro de “Rusia Esperanto-Gazeto” Georgij Kokolija. EsPrimo-n organizas kutime klubaj aǔ interurbaj teamoj, la programon plejparte konsistigas ofertoj de partoprenantoj kaj invititaj gastoj. Unu el la gravaj specifaĵoj de EsPrimo estas ĝia temaro. Legu pli »

EsPrimo: 

Urala federacia regiono

Uralo estas geografia teritorio situanta inter la Orient-Eŭropa kaj Okcident-Siberia ebenaĵoj, plejparte ĝin okupas Urala montara ĉeno, kiu formas limon inter Eŭropo kaj Azio. La ŝtona zono de Uralo etendiĝas je pli ol 2500 kilometroj de la Norda Arkta oceano ĝis la duondezertaj terenoj de Kazaĥio en la sudo. La plej alta geografia punkto estas la monto Narodnaja – “Popola monto” (1895 m.) en la Apudpolusa Uralo. La klimato en diversaj partoj de Uralo malsamas. Legu pli »

Urboj: 

Faktoj pri EsPrimo-10

Dato

01 – 03. 05. 2014

Urbo-gastiganto

Jekaterinburg

Organiza teamo

Esperantista klubo “Arĝenta flamo”, Jekaterinburg;

Raja Kudrjavceva – ĉefa kunordiganto, Aleksandr Osincev, Arina Osipova, membroj de la klubo;

Vladimir Opletajev (Surgut),– kulturklerigaj programoj;

Pavel Veselov(Tjumenj) – komputila servo.

Loko

Ripozejo “Uktus”

Partoprenantoj

61 personoj el 19 urboj:

Jekaterinburg – 28 personoj,

Tjumenj – 9,

Ĉeljabinsk – 3,

Moskvo – 3, Legu pli »

EsPrimo: 

Konferenco de legantoj pri la verkaro de Mikaelo Bronŝtejn

EsPrimo-10, Jekaterinburg, 02.05. 2014

Unu el gravaj kaj pintaj kulturklerigaj taskoj de la organizantoj de EsPrimo-10 estis okazigo de la konferenco de legantoj pri la verkaro de Mikaelo Bronŝtejn. La personeco de la populara rusia Esperanta aŭtoro, liaj prozaj, poeziaj kaj bardaj verkoj, originalaj kaj tradukitaj libroj fone de la baldaǔa jubilea naskiĝdato formis multfacetan konigan kampon, kiu disponigis al interesitaj legemuloj unikan ŝancon kontakti la meritplenan artiston ŝatantan atente observi, plumsperte atesti kaj nedubeble plastike reflekti la travivatan epokon el propraj scioj kaj aǔtentaj spertoj. Legu pli »

EsPrimo: 

Rememoroj pri EsPrimo -10

Por priskribi la plej bonajn sentojn ĉiam mankas vortoj. Jam pasis kelkaj tagoj post EsPrimo-10, tamen mi nur hodiaŭ igis min verki tiun ĉi artikolon - tiom malfacile estas vortumi travivaĵojn, kiam ili tiom neforgeseble belas.

Saĝaj homoj diras, kiu levis la piedon devas ekpaŝi. Kun fiero ni povas konstati, ke EsPrimo sukcese faris ĉi-jare jam sian dekan paŝon. Tio estas vere serioza atingo kaj ekzemplo por imiti. Legu pli »

EsPrimo: 

Regiona literatura konkurso "Mi vidas la mondon..."

Poezia branĉo

1. Tatjana Vŝivceva (Miass) -  “Neĝa kanto”, pro  fidinde belaj bildoj, ritmo kaj rimordo.

2. Viktor Laptev (Ĉeljabinsk) – “Pastoralo”, pro  la bele pentrita siberia pejzaĝo.

3. Olga Ŝilajeva (Glazov) – “Eble venos la tempo”, pro la anime travivitaj ideoj.

3. Tatjana Vŝivceva (Miass) - “La antaŭvintra melankolio”,  pro  interesaj poeziecaj figuroj kaj emfazitaj melankoliaj sentoj.

Proza branĉo

1.  Vladimir Opletajev (Surgut) – artikolo “Rusa betulo”, pro  riĉa, bone pripensita enhavo kaj modela lingvaĵo. Legu pli »

EsPrimo: 

Viktor Kudrjavcev

(08.10.1957 – 01.04.2014)

Viktor Vasiljeviĉ Kudrjavcev naskiĝis la 8-an de oktobro 1957 en en la urala urbeto Niĵnjaja Salda. Post la fino de la politeknika instituto en 1980 en la sudurala industria urbo Ĉeljabinsk li fariĝis diplomita inĝeniero-elektristo. En la jaroj 1980 – 1982 Viktoro militservis en Sovetia armeo kiel milita inĝeniero de la fama raketa startejo Bajkonur en Kazaĥio, partoprenis kosmostartan pretigon de pli ol kvardek diversaj spacaparatoj kaj ŝipoj, preparadis raketajn startojn kun unuaj eksterlandaj kosmonaǔtoj ricevinte memormedalon okaze de la 25-jariĝo de la startejo. Ekde 1986 li konstante loĝis en Jekaterinburg. Legu pli »

Paĝoj

Abonu al Ural-Siberia Esperantista Movado RSS