Mi volas esprimi mian opinion pri la pasinta lingvotrejnado, kvankam mi ne kuraĝas detale analizi ĝin pro mia neaktiva kaj nelonga partopreno.

La organizado estis sufiĉe bona. Preskau ĉio planita realiĝis, eble, ne en tiu nivelo, kiun la respondeculoj atendis. Al mi ŝajnas, ĉiuj devas partopreni planitajn aranĝojn laǔ sia nivelo kaj kapablo. Eble indus fari pli malgrandajn grupetojn por pridiskuti iun temon, ĉar ne ĉiuj havas sperton paroli publike. Mi forte kredas, ke la aranĝo devas ekzisti por komencantoj, progresantoj kaj spertuloj. Legu pli »

Ankaŭ  mi volas priskribi miajn impresojn pri la Aŭtuna lingvotrejnado,  kie mi estis kune kun mia nepo Artjom.  En la vica E-aranĝo en Jekaterinburg (printempe ni same kune partoprenis la tradician EsPrimon) estis tiel agrable por mi vidi la konatajn amikajn vizaĝojn. Kun kelkaj homoj ni jam tre interproksimiĝis. Krome mi kaj Artjom akiris novajn E-amikojn. Mi tre dankas la plej proksimajn  por Artjom amikojn, konatajn  jam de la 2011–a jaro: Anja Pavlova kaj Filip Vŝivcev. Dank’ al ili, dum ili ludis kun mia nepo, ankaŭ mi povis partopreni en multaj programeroj de la aranĝo. Legu pli »

Por ĝui kulturajn valorojn,

Riĉigi la vivon per Esperanto,

Apliku la lingvon ne nur babilante

Sed ankaŭ

  Legu pli »

Karaj EsPrimo-aliĝintoj!

Dum EsPrimo-10 kadre de la kultura programo estas planate okazigi konferencon de legantoj pri la verkaro de Mikaelo Bronŝtejn. La programo celas atentigi esperantistojn pri la verkoj de la plej populara kaj sukcesa E-verkisto de la nuntempa Rusio.

Ĉiuj partoprenontoj de EsPrimo-10 estas petataj dum ĉi tiu kelkmonata preparperiodo legi verkojn de Mikaelo. Plurajn librojn vi povas mendi ĉe la retvendejo de la eldonejo “Impeto”<lernolibro.ru> kaj ne forgesu kunpreni librojn al Jekaterinburg, kie vi ricevos la aŭtoran aŭtografon, ĉar Mikaelo Bronŝtejn afable konsentis partopreni la kunvenon de legantoj. Partoprenontoj de la konferenco havos unikan ŝancon komunikiĝi kun la verkisto, bardo, vojaĝanto kaj konata gastpreleganto, laŭreato de kelkaj literaturaj premioj, viziti la ekspozicion de liaj libroj kaj muzikaj kodiskoj. Legu pli »

EsPrimo-10

Informletero 1

Karaj geamikoj!

Ni ĝoje invitas vin al la deka jubilea ural-siberia printempa regiona E-renkontiĝo “EsPrimo”, kiu okazos la 1-n – 3-n de majo 2014 en Jekaterinburg! Legu pli »

EsPrimo -10

Jekaterinburg, 1. – 3. majo 2014

Deklamkonkurso

La Organiza teamo de EsPrimo -10 agnoskante la valorojn de kulturkleriga kaj lingva memevoluoj de esperantistoj kaj konsiderante la kulturkampan temon de la renkontiĝo “Kreante, verkante, legante” anoncas deklamkonkurson pri la temo “Jen rideto de l’ printempo”.

Celo de la konkurso

stimuli la deklamarton de ural-siberiaj esperantistoj, plifirmigi ilian interesiĝon pri poeziaj arto kaj lingvo. Legu pli »

Amikoj, antaŭ unu semajno mi  partoprenis Zamenhofan feston en Jekaterinburg. La vojo de Glazov ĝis la ĉefurbo de Uralo ne estas tiom longa – nur 11 horoj per trajno. Biletoj estas aĉetitaj, pasaĝerplena trajno alvenis kaj mi kune kun mia lernantino Svetlana forveturas al oriento, forgesante pri la laboro kaj hejmaj aferoj. Legu pli »