Lenoĉka estas tre modesta homo, pri sia venko en tiu konkurso de emblemoj por la venonta UK-o ŝi ne fanfaronis kaj ne rakontis pri ĝi eĉ al ni, samurbaj esperantistoj. Pri ŝia sukceso ni eksciis nur post kelkaj monatoj, kiam ni jam ekvidis en Lillo kreitan de ŝi emblemon sur ĉiuj informmaterialoj pri la 101-a UK-o en Nitra kaj dum la malferma ceremonio ĝi , granda, aperis sur la ekrano post la kongresa podio. Dum la septembra E-renkontiĝo en Jekaterinburg Jana, la fratino de Lena, rakontis al ni la historion de tiu venko kaj ĉiuj ĉeestintaj esperantistoj tiam ĝoje aplaŭdis al la sukceso de Lena. Mi deziras al Lena sukcesan daŭrigon de ŝia volontulado en Esperanto-centro en Slovakio! Raja Kudrjavceva