La Organiza teamo de EsPrimo-11 komunikas al ĉiuj aliĝintoj kaj dezirantoj aliĝi informojn pri la hotelo gastiganta la majan renkontiĝon de ural-siberiaj esperantistoj.

EsPrimo-11 okazos surbaze de la hotelo “Solneĉnaja” (“Suna”), situanta proksime de la urba centro de Ĉelabinsk ĉe la strato Ĥudjakova, 18. Apude estas parko, kie agrablos promeni.  La konferencejo troviĝas en la unua etaĝo, akcesora malgranda kunvensalono en la dua etaĝo.

Variantoj de loĝeblecoj

1) ordinara – loĝado en trilitaj ĉambroj sen duŝejo kaj necesejo (ili estas en la etaĝo) – 550 rubloj por unu diurno;
2) pli komfortkondiĉa – loĝado en unulita ĉambro kun la duŝejo kaj necesejo – 1500 rubloj por unu diurno. La ĉambroj troviĝas en la dua etaĝo;
3) pli komfortkondiĉa – loĝado en dulita ĉambro kun la duŝejo kaj necesejo – 1800 rubloj por unu diurno. La ĉambroj troviĝas en la dua etaĝo.

Manĝado: Trifoja manĝado en la hotela kafejo kostas por unu tago 450 rublojn.

Kiel atingi la hotelon

1) De la fervojstacio la hotelon “Solneĉnaja” eblas atingi per navedaj busetoj №3 kaj №56 veturante ĝis la haltejo “Gostinica Turist” (la vojtempo: 15 min).
2) De la aŭtobusa stacio “Junostj” ĝis la hotelo eblas veturi per la urba buso №15 kaj naveda buseto №56, ĝis la haltejo “Gostinica Turist” (15-minuta vojo).
3) De la flughaveno oni veturu ĝis la haltejo “Aloje pole” per la naveda buseto № 82, tie ŝanĝu la trafikilon kaj veturu per la urba buso №15 aŭ navedaj busetoj №3, №54, 56, 83, 86, 99 ĝis la haltejo “Gostinica Turist” (40-minuta vojo).

Manieroj pagi la aliĝkotizon

(400 rubloj ĝis 01.04.2015; 600 rub. ĝis 30. 04. 2015; surloke – 800 rubloj)

1) Per poŝtelefona transdono (por la tenantoj de la kartoj “Sberbank Rossii”: sendu sms al la numero 900 kun la teksto:перевод 9224801151 XXX. Anstataŭ XXX skribu vian sumon (suprepago 1%, se via karto estas produktita ekster Tjumena kaj Omska regionoj).

2) Per bankaŭtomato de la banko “Sberbank Rossii” al la Karto numero 6761 9600 0117 3668 81 (telefonnumero +7 922 480 11 51), (superpago por la transpago estas 0,75 %, se vi transpagas ne el Tjumena aŭ Omska regionoj), transpago pere de bankoficisto – 2-3 %.

3) Per Yandex–mono al la konto kun la numero 4100143445779 (revo-tekya.ru / +7 922 480 11 51). La sistemo mem indikos la superpagon, kutime 0,5%.
Vi povas transpagi kontante sen superpago pere de bankaŭtomato/pagaŭtomato de Sberbank aŭ pagaŭtomatoj de “Svjaznoj” aŭ aliaj (Vi povas viziti la paĝaron de la Yandex–mono)

4) Per “Webmoneu” al la kontoj:  R051162412310 aŭ Z841315191536. Sistemo mem indikos la superpagon. Indiki la nomon de la ricevanto ne necesas.

Post via transpago bv. informi la organizantojn per elektronika letero al (esprimoural-sib.org) indikante viajn personan nomon, familinomon kaj vian pagmanieron.

5) Krome vi povas transdoni la kotizon rekte al Katerina Arbekova en Novosibirsk, Raja Kudrjavceva en Jekaterinburg, Darja Zelenina en Ĉelabinsk kaj Pavel Veselov en Tjumenj.

Krom la bona humoro kaj donacetoj por la amikoj  bv. kunpreni iujn bongustaĵojn por la komuna tablo, kaj ankaŭ la proprajn viŝtukojn kaj pantoflojn.

La Organiza teamo deziras al ĉiuj aliĝintoj agrablajn antaŭpreparojn al la vojaĝo kaj atendas de la partoprenontoj interesajn ofertojn al la komuna programo.

Ni renkontiĝu en Ĉelabinsk!