1. Aleksander Osincev (Jekaterinburg) +
2. Raja Kudrjavceva (Jekaterinburg) +
3. Viktor Kudrjavcev (Jekaterinburg) +
4. Arina Osipova (Jekaterinburg) +
5. Jana Husanova (Jekaterinburg) +
6. Vladimir Opletajev (Surgut) +
7. Pavel Veselov (Tjumenj) +
8. Vadim Biserov (Permj)
9. Olga Ŝilajeva (Glazov) +
10. Irina (Mirina) Gonĉarova (Odincovo) +
11. Nadeĵda Borisova (Tjumenj) +
12. Artjom Veselov (Tjumenj) +
13. Anna Pavlova (Jekaterinburg) +
14. Irina Kirina (Jekaterinburg) +
15. Anastasija Golovkina (Tjumenj) +
16. Aleksandra Osipova (Jekaterinburg) +
17. Galina Terentjeva (Ĉelabinsk) +
18. Nikolaj Terentjev (Ĉelabinsk) +
19. Mikaelo (Moissej) Bronŝtejn (Tiĥvin) +
20. Nikolaj Popov (Jekaterinburg) +
21. Lidija Jerofejeva (Niĵnij Tagil) +
22. Sergej Potoskujev (Niĵnij Tagil) +
23. Jelena Uspenskaja (Jekaterinburg) +
24. Mansur Mamkin (Tjumenj) +
25. Sergej Lokis (Jekaterinburg) +
26. Rita Husanova (Jekaterinburg) +
27. Elena Husanova (Jekaterinburg) +
28. Igor Husanov (Jekaterinburg) +
29. Firdaus Kasimov (Permj) +
30. Ivan Kitajkin (Turgenevo) +
31. Aleksandr Pereskokov (Jekaterinburg) +
32. Natalja Mansurova (Jekaterinburg) +
33. Vjaĉeslav Gusev (Jekaterinburg) +
34. Timofej Vŝivcev (Miass)
35. Tatjana Vŝivceva (Miass)
36. Filipp Vŝivcev (Miass)
37. Viktor Kulakov (Jekaterinburg)
38. Julija Degtjarjova (Jekaterinburg) +
39. Pavel Razbojnikov (Jekaterinburg)
40. Marina Zamolina (Jekaterinburg)
41. Vladimir Terjohin (Jekaterinburg) +
42. Marina Stepaĉova (Tjumenj)
43. Katerina Arbekova (Novosibirsko) +
44. Anatolij Krasnokutskij (Moskvo)
45. Valentin Puŝkarev (Jekaterinburg)
46. Viktor Laptev (Ĉelabinsk) +
47. Julia Moĉalova (Jekaterinburg)
48. Andreo Ĥiĵnjak (Tjumenj)
49. Irina Sokolovskaja (Tjumenj)
50. Nikolaj Sokolovskij (Tjumenj)
51. Roman Efremov (Glazov) +
52. Tatjana Glaznica (Ĉelabinsk) +
53. Vadim Solovjev (Vladimir) +
54. Rimma Roganova (Ĉusovoj) +
55. Pavel Vavilin (Jekaterinburg) +
56. Svetlana Smetanina (Moskvo)
57. Andrej Peĉënkin (Jekaterinburg) +
58. Ekaterina Zamyslova (Jekaterinburg)
59. Vladimir Zamyslov (Jekaterinburg)
60. Aleksandr Kalaŝnikov (Tjumenj) +
61. Nadeĵda Panova (Ŝeveljova) (Tjumenj)
62. Stanislav Kotlarov (Novoutkinsk)
63. Andrej Parfentjev (Jekaterinburg)
64. Elena Ermakova (Verĥovino)
65. Evgenij Vedernikov (Ĉelabinsk)
66. Aleksandr Lebedev (Jegorjevsk) +
67. Marina Kadirova (Jekaterinburg) +
68. Zajsja Sibatulina (Uljanovsk) +
69. Nadeĵda Ŝeludko (Jekaterinburg)
70. Jelena Kuznecova (Samara)
71. Roman Bolŝakov (Moskvo) +
72. Natalja Solovjova (Niĵnij Tagil)
73. Anastasija Raguzova (Tjumenj) +
74. Tatjana Drugova (Novosibirsko) +
75. Larisa Kuzmenko (Niĵnij Tagil)
76. Tatjana Veselova (Tjumenj)
77. Nataŝa Glaznica (Moskvo)
78. Diljara Gadirova (Tobolsk)
79. Anna Ŝubarina (Jekaterinburg)
80. Irina Perŝina (Vladimir)
81. Gulia Badertdinov (Magnitigorsk)
82. Mansur Badertdinov (Nabereĵnie Ĉelni)
Signo + montras, ke la kotizo estas ricevita.

Venis tempo por la lastaj teknikaj detaloj antaŭ jubilea EsPrimo-10.

La loko

La bazejo “Uktus” (str. Prostornaja, 1)  atingeblas jene:    

• De la fervoja stacidomo (kaj norda stacidomo) veturi per itinera buseto №056 – tra la busa stacidomo (haltejo "Avtovokzal") - ĝis la haltejo "Molodogvardejcev"   (plej proksima al la bazejo).    
• De la suda busa stacidomo (haltejo "Juĵnij avtovokzal") veturi per itineraj busetoj №056, 083, buso №38 ĝis la haltejo "Molodogvardejcev".

Kontaktebloj

Organizantoj estas kontakteblaj laŭ sekvaj telefon-numeroj:    

Aleksander Osincev    +7-902-260-36-13    

Raja Kudrjavceva    +7-922-298-20-21

 

Kunportindaĵoj

• NEPRE kunportu purajn ŝanĝ-ŝuojn!    
• tason por teumado
• frandaĵojn por vespera teumado (notu, ke la vespermaĝo okazos de la 18:00 ĝis la 19:00)    
• sportan vestaĵon por sportaj ludo

 

Specialaj eventoj

Vi estas bonvena prezenti vian urbon, vian Esperanto-klubon dum Interkona vespero.

Ni ĝojos vin vidi dum EsPrimo-10!

Por ĝui kulturajn valorojn,

Riĉigi la vivon per Esperanto,

Apliku la lingvon ne nur babilante

Sed ankaŭ

 

La 1a de majo

10:00 – 13:00	Alveno kaj registrado de partoprenantoj
13:00 – 14:00	Tagmanĝo
14:00 – 15:00	Solena malfermo
15:00 – 16:30	Peĉa-kuĉo (Aleksandr Osincev, Jekaterinburgo)
16:30 – 18:00	Trejnado pri kreemo (Olga Ŝilajeva, Glazov)
18:00 – 19:00	Vespermanĝo
19:00 – 20:00	Prelego “La mondo de fratoj Strugackij” (Mikaelo Bronŝtejn, Tiĥvino)
20:00 – 21:00	Interkona vespero
21:00 – 22:00	Vespero de memoro omaĝe al Viktor Kudrjavcev (EK “Arĝenta Flamo”)
22:00 – ĝis la noktofin’	Kinejo (Aleksandr Osincev, Jekaterinburgo) Ludo „Homlupoj” Nokta komuna kantado Enĉambra babilado

La 2a de majo

8:30 – 9:00	Jogumado (Nastja Golovkina, Tjumeno) Matena promenado
9:00 – 10:00	Matenmanĝo
10:00 – 11:00 10:00 – 11:00	Leciono por komencantoj (Irina Gonĉarova, Moskvo) „Ĉu Esperanto mortos?” Prelego de Andrej Peĉonkin
11:00 – 13:00	Konferenco de legantoj pri la verkaro de Mikaelo Bronŝtejn
13:00 – 14:00	Tagmanĝo
14:00 – 16:00	Cerbumludo “Kio? Kie? Kiam?” (Roman Jefremov, Glazov)
16:00 – 17:00 16:00 – 17:00	Prezentado de IER-vortaro (Viktor Laptjev, Ĉelabinsko) Historia prelego pri Ivano laTria. (Firdaus Kasimov, Permj)
17:00 – 18:00 17:00 – 18:00	Sportaj ludoj (Katja Arbekova, Novosibirsko) Metiejo pri Aerografio (Julja Moĉalova, Jekaterinburgo)
18:00 – 19:00	Vespermanĝo
19:00 – 20.00	Deklamkonkurso “Jen rideto de l’ printempo!”
20:00 – 21:00	Barda koncerto de Mikaelo Bronŝtejn
21:00 - 23:00	Amika vespero Amika festeno
23:00 – ĝis la noktofin’	Kinejo (Aleksandr Osincev, Jekaterinburgo) Ludo „Homlupoj” Nokta komuna kantado Enĉambra babilado

La 3a de majo

8:30 – 9:00	Jogumado (Nastja Golovkina, Tjumeno) Matena promenado
9:00 – 10:00	Matenmanĝo
10:00 – 11:00	Ronda tablo pri la regiona agado Metiejo pri desegnado de homoj (Lena Ĥusanova, Jekaterinburgo)
11:00 – 12:00	Solena fermo
12:00 – 13:00	Komuna fotado kaj amika rondo
13:00 – 14:00	Tagmanĝo

 

Entute la renkontiĝon partoprenis 61 personoj el 19 urboj de 13 regionoj:

Jekaterinburg	28
Tjumenj	9
Ĉelabinsk	3
Moskvo	3
Glazov	2
Niĵnij Tagil	2
Vladimir	2
Nabereĵnie Ĉelni	1
Surgut	1
Turgenevo	1
Uljanovsk	1
Tiĥvin	1
Jegorjevsk	1
Tobolsk	1
Permj	1
Magnitogorsk	1
Samara	1
Novosibirsk	1
Odincovo	1

Inter la partoprenantoj estis 26 viroj kaj 35 virinoj.

La plej aĝaj esperantistoj en EsPrimo-10 estis Nikolaj Popov kaj Vladimir Terjoĥin el Jekaterinburg, ambaŭ 79-jaraĝaj.

La plej juna partoprenanto estis 3-jara Artjom Veselov (Tjumenj) .

La plej grandan E-aĝon (52j.!) havas Mikaelo Bronŝtejn (Tiĥvin).

Laŭ sia E-aĝo la partoprenintoj disdividiĝis jene:
E-aĝo malpli ol 1 jaro - 7 personoj,
de 1 ĝis 5 jaroj - 16 personoj,
de 5 ĝis 10 jaroj - 5 personoj,
de 10 ĝis 20 jaroj - 8 personoj,
de 20 ĝis 30 jaroj - 4 personoj,
de 30 ĝis 40 jaroj - 13 personoj,
de 40 ĝis 50 jaroj - 6 personoj,
E-aĝo pli ol 50 jaroj - 2 personoj.

Karaj EsPrimo-aliĝintoj!

Dum EsPrimo-10 kadre de la kultura programo estas planate okazigi konferencon de legantoj pri la verkaro de Mikaelo Bronŝtejn. La programo celas atentigi esperantistojn pri la verkoj de la plej populara kaj sukcesa E-verkisto de la nuntempa Rusio.

1. Originalaj beletraj kaj publicaj verkoj: ”Legendoj pri SEJM”- 1992, 1997, 2006 ; “Oni ne pafas en Jamburg” – 1993; “Pri Dinjo, Diko kaj aliaj estaĵoj”; “Mamutido Miĉjo” – 1997; “Jen, denove” – 1997; “Dek tagoj de kapitano Postnikov”- 2004,2007; “Lecionoj por knabo” – 2009; “Urbo Goblinsk” – 2010.
2. Tradukitaj libroj: A. Strugackij, B. Strugackij: “Skarabo en formikejo”, “Lundo ekas sabate”, “Pikniko ĉe vojrando”, “La loĝata insulo”, “La fora ĉielarko”, “La burgo kondamnita”, “La dua invado de marsanoj”, “Heliko sur deklivo”, “Fabelo pri la triopo”.
3. Poeziaj libroj: Aleksandr Puŝkin “200 jaroj. Elektitaj verkoj” (kunaŭtore) – 1999; “Bruna Ŝtono. Du lingvoj”- 2001, “De nenie kun amo ... Elektitaj verkoj de Iosif Brodskij” (kunaŭtore) - 2001; “Iam, kiam” – 2005; “Kajto” – 2008.
4. Bardaj verkoj: kantotekstoj “Oraj kantoj” – 2005 (kunaŭtore); kodiskoj kaj kasedoj: “Amitaj, amataj, amotaj” – 1997; “Iom da bono de Bruna Ŝtono” – 2001; “Esperantujo mia” – 2003, “Mia nomo ne gravas...”- 2004, “La antaŭlasta trajno”- 2013.

 

EsPrimo -10

Jekaterinburg, 1. – 3. majo 2014

Deklamkonkurso

 

La Organiza teamo de EsPrimo -10 agnoskante la valorojn de kulturkleriga kaj lingva memevoluoj de esperantistoj kaj konsiderante la kulturkampan temon de la renkontiĝo “Kreante, verkante, legante” anoncas deklamkonkurson pri la temo “Jen rideto de l’ printempo”.

 

Celo de la konkurso

stimuli la deklamarton de ural-siberiaj esperantistoj, plifirmigi ilian interesiĝon pri poeziaj arto kaj lingvo.

 

Temo de la konkurso “Jen rideto de l’ printempo”

Viviga printempa humoro, amo, entuziasmo kaj ĝojo al la vivo, beleco de la ekstera mondo malavare dorlotanta nin – jen estas temoj, kiuj povus emociigi deklamantojn. Sed ni ne forgesu ankaŭ Esperanton, kiu beligas nian vivon kaj puŝas nin al plia memidentiĝo.

Por la konkurso estu elektendaj originale verkitaj kaj tradukitaj versaĵoj de rusiaj kaj eksterlandaj poetoj.

 

Loko kaj dato de la konkurso

Partopreno en la konkurso estas ĉeesta. Ĝi okazos en Jekaterinburg dum EsPrimo -10.

 

Partoprenantoj

En la konkurso rajtas partopreni esperantistoj de ĉiuj aĝoj per prezento de unu recitaĵo (t.e. parkere lernita teksto). Deklamontoj bonvolu anticipe anonciĝi ĉe la Organiza teamo (Raja Kudrjavceva esprimo-10yandex.ru ) sendinte al ĝi jenajn informojn ĝis la 15-a de aprilo2014:

persona nomo,

familia nomo,

aĝo,

loĝloko,

profesio,

jaro de esperantistiĝo,

aŭtoro de la deklamota versaĵo,

titolo de la verko.

Laŭreato kaj gajnintoj de la dua kaj tria lokoj ricevos libropremiojn, kotizajn rabatojn kaj diplomojn de la Organiza teamo de EsPrimo-10.

 

Konkursa ĵurio

La organizantoj de la renkontiĝo elektas tripersonan ĵurion el inter lingve kaj fake spertaj esperantistoj el Ural-Siberia regiono.

 

Kriterioj por prijuĝi la deklamarton de konkursantoj
(maksimuma poento por ĉiu aparta ero – 5)

1. Paroletiketo: salutoj kaj alparoloj, gestoj, dankesprimoj ktp., sinprezento kaj prezento de la recitata poemo kaj de ĝia aŭtoro.
2. Tono de la recitado: Emfaza, konvinkiga, estetika.
3. Prononco: obeo al la bazaj standartaj reguloj de la Esperanta prononco, elimino de rusaj akĉentaj specifaĵoj.
4. Aktora arto: arto sin teni komforte kaj senĝene antaŭ la publiko.

 

Organiza teamo de EsPrimo -10

 

 

EsPrimo -10

Jekaterinburg, 1. – 3. majo 2014

Literatura konkurso

 

La Organiza teamo de EsPrimo -10 agnoskante la valorojn de kulturkleriga kaj lingva memevoluoj de esperantistoj kaj konsiderante la kulturkampan temon de la renkontiĝo “Kreante, verkante, legante” anoncas konkurson de literaturaj verkoj pri la temo “Mi vidas la mondon...”

 

Celo de la konkurso

Aktivigi kreajn kaj beletrajn kapablojn de esperantistoj de Uralo kaj Okcidenta Siberio per verkado de diversĝenraj mallongaj literaturaj verkoj.

 

Temo de la konkurso “Mi vidas la mondon...”

Aŭtoroj prezentu sian propran percepton de la vivaj kolizioj kaj de la ĉirkaŭa mondo en kiu estas loko por amo kaj amikeco, primavero kaj Esperanto, beleco de la naturo kaj variaj homaj sentoj. Por la konkurso estas akceptataj originalaj kaj neniam publikigitaj verkoj (ne tradukaĵoj) de plej diversaj ĝenroj: rakonto, eseo, raportaĵo (ne pli ol 3 paĝoj, formato A4), versaĵo, kanta teksto, skeĉo, teatraĵeto, humuraĵo, fabelo, fablo, anekdoto, ŝerco ktp.

 

Partoprenantoj

En la konkurso rajtas partopreni esperantistoj loĝantaj en Ural-Siberia regiono kaj partoprenontoj de EsPrimo-10 el aliaj lokoj kaj urboj per prezento de unu ĝis tri verkoj. La konkursaĵoj (Tiparo Times New Roman, grando 14) estu sendendaj al Vladimir Opletajev surbordemail.ru ĝis la 15-a de aprilo 2014.

Gratifiko de la konkursantoj okazos dum EsPrimo-10 en Jekaterinburg. Gajninto de la unua loko ricevos abonon al revuo “Esperanto, kotizan rabaton kaj diplomon; gajnintoj de dua kaj tria lokoj ricevos libropremiojn, kotizajn rabatojn kaj diplomojn de la Organiza teamo de EsPrimo-10. Iliaj konkursaĵoj estos publikigitaj en la Ural-Siberia retpaĝaro.

 

Kriterioj por prijuĝi la konkursaĵojn

Sur la titolpaĝo la aŭtoro indiku sian personan nomon, familian nomon, profesion, aĝon, loĝlokon, jaron de esperantistiĝo.

La konkursaĵo devas havi titolon kaj konformi al la temo, esenco kaj enhavo de la konkursa problemaro.

Aktualeco, originaleco de la aŭtoraj ideoj, pensoj kaj emocioj kaj lingva perfekteco estu gravaj kondiĉoj karakterizantaj konkursajn verkojn.

 

Konkursa ĵurio

La Organiza teamo elektas tripersonan ĵurion el inter lingve kaj fake spertaj esperantistoj de Rusio. La ĵurio faros sian decidon ĝis la 1-a de majo 2014.

 

Organiza teamo de EsPrimo-10

 

 

La 1an-3an de majo 2014 en Jekaterinburgo okazis la 10a printempa renkontiĝo de uralaj kaj okcidentsiberiaj esperantistoj EsPrimo kun la kulturkleriga temo “Kreante, verkante, legante”. Interesa kaj varia programo, aktivaj partoprenantoj, agrabla maja vetero, komforta ripozejo, kreiva etoso de gejunuloj, vivigaj kaj entuziasmigaj spertoj de aĝaj esperantistoj, neforgesebla arto de Mikaelo Bronŝtejn estas karakterizaj ecoj de la pasinta forumo konturinta plurfacetajn aplikojn de Esperanto en la regiona esperantista medio.

Min aparte kortuŝis kaj forte emociis la memorvespero omaĝe al Viktoro Kudrjavcev, kiu mem apartenis al la Organiza teamo de EsPrimo-10 kaj multon faris por inde realigi ĉi tiun projekton en la ĉefurbo de Uralo.

Grandan dankon kaj sincerajn gratulojn al la esperantista klubo “Arĝenta flamo” pro la brila organiza kaj prepara  laboroj.

Vladimir Opletajev (Surgut)

---

Mi deziras dankegi ĉiujn, kiuj venis kaj aktive partoprenis la plenriĉan programon de EsPrimo-10! De la unua tago , ŝajnas, neniu enuis. Ĉio estis anticipe pripensita, lerte planita kaj perfekte organizita. La temo de la renkontiĝo estis realigita en ĉiuj programeroj kiuj estis vere logaj, pasis en sufiĉe alta lingvonivelo. Dank’ al niaj karaj organizantoj ni multon eksciis kaj akiris novajn amikojn. Mi ĝojas, ke aperas nova generacio de esperantistoj, kiuj fervore studas la lingvon kaj aplikas ĝin en sia vivo. Ja vera vivo estas kreemo en ago. Apartan dankon mi diras al Raja Kudrjavceva, kiu konvinkis min veni kaj ne eviti ĉi tiun EsPrimo-n.

Dilara Gadirova (Tobolsk)

---

Karaj partoprenintoj de EsPrimo-10, karaj geamikoj! Mi estis feliĉa vidi vin ĉiujn en Jekaterinburg dum la ĉi-jara printempa regiona renkontiĝo! Tiuj niaj renkontiĝoj estas ne nur ŝanco por la amika interkomunikado, sed ankaŭ la ebleco plibonigi nian lingvoposedon kaj ĝenerale pliriĉigi niajn sciojn. Estis vere bravuloj ĉiuj, kiuj aktive kontribuis al la programo de la renkontiĝo kaj preparis siajn prezentaĵojn, ludojn, koncertajn programerojn! Ĝuste tial la aranĝo iĝis enhavriĉa, varia, interesa.

Kiel homo sportema, mi volas aparte danki Nastja Golovkina pro ŝiaj matenaj ekzercadoj kune kun ni pri jogo, kiuj helpis al ni vekiĝi kaj akiri la pozitivan energion por la tuta tago! Pri Amika Vespero en la dua tago mi memoros kiel pri la plej alloga kaj mirinda dumrenkontiĝa evento kaj pri la memorvespero omaĝe al nia amiko Viktoro kiel pri tre kortuŝa kaj neforgesebla… Por mi persone ĉiuj tri tagoj de EsPrimo-10 iĝis vera festo, plen-plena de la varma etoso, amikeco, kreado. Dankon al vi ĉiuj! Mi atendos niajn novajn renkontojn!

Aleksandra Osipova (Jekaterininburg)

---

La antaŭa EsPrimo-9 pasinta apud Tjumeno, estis bonega. Sed ĉi-foja EsPrimo estis eĉ pli bona! Kaj por mi evidentiĝis, ke alie eĉ ne povis esti, kiam ni aplaŭdis la tutan organizan teamon dum la solena fermo. Estis brila teamo! Dankon al vi, "Arĝenta flamo", dankon al la glazovanoj pro la bonega ludo "Kio, kie, kiam", sed ne nur pro tio! Mi tre ĝojis denove renkontiĝi kun la amikoj el pli foraj urboj.

Nia ĉarma Nastja Colovkina kun la ventrodanco kaj matena jogumado estis bravulino!

Estis belega komuna koncerto,... kaj multo alia, kio por longa tempo restos en la memoro

Mansur Mamkin (Tjumenj)

---

Mi partoprenis EsPrimo-n kun printempa ĝojo kaj ĝuis la tutan programon, kie mi povis ĉeesti. Al mi ŝajnas, ke la plej okulfrapaj meritoj de la renkotiĝo estis jenaj: unue, neniu krokodilis (mi persone tion ne aǔdis); due , la etoso estis vigla, kun la varia kaj abunda programo; trie, al la programo ankaŭ kontribuis partoprenintoj el aliaj diversaj urboj, kio ĝin certe riĉigis;  kvare, oni povis havi elekton inter vizitataj programeroj; kvine, la juna genaracio de esperantistoj estis ne nur talentaj, tamen bonegaj organizantoj, kaj tio instigis min pensi, ke Esperanto ne mortos post multaj sekvontaj jaroj; sese, luksaj kondiĉoj kaj manĝaĵo kontraŭ malaltaj prezoj kun teumado tage kaj nokte. Mi dankas ĉiujn organizintojn, prelegintojn, diskutintojn, peĉa-kuĉintojn kaj ordinarajn partoprenintojn pro neforgesebla tempo, kiun mi pasigis dum du tagoj en Jekateriburg. Mi akiris novan impulson por praktiki mian amatan lingvon. Apartan dankon al Raja kaj Viktoro Kudrjavcev sen kies klopodoj kaj laboro EsPrimo-10 ne estus tiel brila kaj sukcesa!

Lidija Jerofejeva (Niĵnij Tagil)

---

Ĉi-foje EsPrimo estis por mi ege streĉa pro multe da laboro pri mia diploma verko. Mi ĝojas, ke malgraŭ manko de la tempo mi sukcesis viziti laŭeble pli da programeroj, kiuj ĉiuj estis tre interesaj, gajaj, neforgeseblaj. Dum EsPrimo-10 plenumiĝis eĉ mia delonga revo partopreni en "ogup"-ludo.

Mi ĝojas, ke nia organiza teamo kaj helpantoj el aliaj urboj faris tiom bonan laboron kaj realigis la tutan planitan programon! La aranĝo vere sukcesis!

Jana Ĥusanova (Jekaterinburg)

---

EsPrimo-10 estis unu el la plej bonaj de la etosa, enhava kaj organiza vidpunktoj E-aranĝo en mia vivo. Akceptu miajn dankojn kaj admirojn!

Irina Gonĉarova (Odincovo)

---

Mi dankas la ĉefajn organizantojn de EsPrimo - 10 pro la bonega renkontiĝo! Mi mem la unuan fojon gvidis matenan programereton..  kaj tio estas granda respondeco! Vi (organiza teamo) estas veraj bravuloj! Bravas ĉiuj, kiuj partoprenis en la organizado de la neforgeseblaj tagoj.

Mi tre ĝojis renkonti malnovajn amikojn…Multajn el ili mi ne vidis kelkajn jarojn. Sed baldaŭ venos somero kaj ni denove renkontiĝos!!! Hura!

 Nastja Golovkina (Tjumenj)

---

Estas agrable vidi, ke Jekaterinburgo estas nuna ĉefurbo de la Esperanta Uralo. Bravuloj!

Doloriga estas la trofrua forpaso de Viktoro Kudrjavcev.

Boris Kolker (Usono)