EsPrimo-9

Urboj: 

EsPrimo: 

Bonvenon al "EsPrimo-9"

Karaj geamikoj! Ni invitas vin partopreni la tradician regionan Ural-Siberian renkontiĝon "EsPrimo-9", kiu ĉi-jare okazos en Tjumeno la 2-an – 4-an de majo.

La ĉefa temo de la renkontiĝo estos "Esperanto en la vivo" kaj lige kun tiu ĉi temo ni planas riĉan programon, kiu interesos kaj komencantojn, kaj spertulojn.
En la programo estas planataj: diskutrondo pri la ĉefa temo kaj prelegoj de spertaj esperantistoj, lingvaj kaj sportaj ludoj, artaj kaj koncertaj vesperoj, speciala programero-konkurso por komencantoj, dancoj, kantoj, ekskurso tra Tjumenj kaj ankaŭ interesega programero, kiu nomiĝas "Peĉakuĉo". Tio estas prezentadmetodo, en kiu la prezentanto rajtas montri nur 20 bildojn kaj paroli nur dum po 20 sekundoj pri ĉiu bildo (do 6 minutojn 40 sekundojn entute). La formo estas tre taŭga por rapida diskonigo de novaj ideoj kaj projektoj, interalie artaj kaj modaj – sed ankaŭ sciencaj. Alivorte, eblas rakonti pri io ajn. Ni invitas ĉiujn partopreni "Peĉakuĉon" kaj veni al EsPrimo kun via prezentaĵo. Rakontu al ĉiuj pri via ŝatokupo, laboro, vojaĝo, - ne forgesante la ĉefan temon "Esperanto en la vivo"!

Ni planas ankaŭ okazigi dum la renkontiĝo fotoekspozicion pri la ĉefa temo. Partopreni ekspozicion povas ĉiu deziranto, eĉ se vi ne sukcesos ĉeesti la renkontiĝon, vi povas do sendi viajn fotojn al iu el la organizantoj. Kaj tiuj fotaĵoj nepre aperos en nia ekspozicio.

Iniciatinto de EsPrimo-9 estas Tjumena esperantista klubo “Revo”, kiu en 2013 festas sian kvardekjariĝon. Dum kvar jardekoj nia klubo aktivas en la urba kaj regiona skaloj. Eksaj membroj de la klubo vivas nun en tre diversaj anguloj de la mondo. La printempa renkontiĝo estas grava preteksto por pli emfaza pritrakto de la trairita vojo kaj por akcepto de novaj celoj kaj agaddirektoj.

Tempo:

alveno de partoprenantoj – 2-an de majo ĝis 12-00. Poste – komuna veturado al bazejo (memstara atingado ege malfacilas, se vi venos ne per propra aŭto) kaj komenco de la aranĝo.

3-an de majo – plena tago en la bazejo.

4-an de majo – dematene veturo al Tjumeno, duontaga ekskurso tra la urbo, ebla forveturo – posttagmeze.

Loko kaj kondiĉoj: la porinfana bazejo "Raduga" ("Ĉielarko") apud Tjumenj, kiu situas en pina arbaro sur bordo de rivero, tamen nemalproksime de la urbo. Oni proponas al ni loĝadon en komforta duetaĝa domo, en tri-, kvar-, kvinlitaj ĉambroj kun duŝejo en la etaĝo. En aparta konstruaĵo situas manĝejo kaj halo.
Bazejo Bazejo Bazejo

Kotizoj kaj prezoj: loĝado por unu diurno kun 3-foja manĝado – 1100 rubloj. Manĝado parte kaj aparte de loĝado ne mendeblas. Memzorga manĝado ne eblas, ĉar apud la bazejo mankas vendejoj kaj ene de la bazejo forestas kondiĉoj por kuiri.


Aliĝkotizoj: 1-a aliĝperiodo (ĝis 15.03) – 400 rubloj, 2-a aliĝperiodo (ĝis 15.04) – 500 rubloj, poste kaj surloke – 600 rubloj. Rabato por pensiuloj kaj studentoj – 100 rubloj. Infanoj ĝis 14 jaroj – senpage.

Pagi aliĝkotizon vi povas per kelkaj manieroj:
1. Per bankaŭtomato de la banko “Russkij Standart” al la karto numero 5100 9298 2436 9068 (sen superpago).
2. En telefonvendejo “Svjaznoj” al la konto numero 2989-364-413-368 (sen superpago, se vi elektos “пополнение карты связной-банк”).
3. Per poŝtelefona transdono (por tenantoj de la kartoj “Sberbank Rossii”): Sendu sms al numero 900 kun teksto “перевод 9224801151 XXX”. Anstataŭ XXX skribu vian sumon. Eblas superpago!
4. Per Yandex-mono al la konto numero 4100143445779 (revo-tek@ya.ru). Sistemo mem indikos superpagon.
5. Per "Webmoney" al la kontoj R051162412310 aŭ Z841315191536. Sistemo mem indikos superpagon.
Indiki nomon de ricevanto ne necesos.

Post via transpago bonvolu informi la organizantojn per elektronika letero kun la indiko de viaj persona nomo, familinomo kaj pagmaniero, ke vi sendis al ni monon.

Kun plezuro kaj danko ni akceptos viajn proponojn pri la programo de EsPrimo-9.

Kontaktu nin:
Pavel Veselov (teknika parto): +7-922-480-11-51, esprimo@ural-sib.org
Marina Stepaĉova (programo): +7-912-997-3418, mstepacheva@mail.ru
Tatjana Veselova (financoj): financoj@ural-sib.org


Ni atendas vin!

Aliĝintoj al EsPrimo-9

Urboj: 

EsPrimo: 

1. Marina Stepaĉova (Tjumeno) +
2. Pavel Veselov (Tjumeno) +
3. Tatjana Veselova (Tjumeno) +
4. Artjom Veselov (Tjumeno) +
5. Nadeĵda Borisova (Tjumeno) +
6. Vladimir Minin (Tomsk) +
7. Irina Kirina (Tjumenj) +
8. Anna Pavlova (Tjumenj) +
9. Katerina Arbekova (Novosibirsko) +
10. Vladimir Opletajev (Surgut) +
11. Olga Ŝilajeva (Glazov) +
12. Anastasiya Golovkina (Tjumeno) +
13. Viktoro Kudrjavcev (Jekaterinburg) +
14. Raja Kudrjavceva (Jekaterinburg) +
15. Galina Terentjeva (Ĉelabinsk) +
16. Nikolaj Terentjev (Ĉelabinsk) +
17. Sergeo La Terura (Rigo) +
18. Darja Zelenina (Ĉelabinsk) +
19. Aleksej Maksimov (Ĉeboksaro) +
20. Sergej Maksimov (Ĉeboksaro) +
21. Ilja Gimon (Moskvo) +
22. Marina Itpekova (Moskvo) +
23. Mansur Mamkin (Tjumeno) +
24. Irina (Mirina) Gonĉarova (Odincovo) +
25. Irina Sokolovskaja (Tjumeno) +
26. Jelena Kuznecova (Samara)
27. Pavel Vavilin (Jekaterinburg)
28. Ekaterina Zamyslova (Jekaterinburgo)
29. Julia Degtjarova (Jekaterinburgo)
30. Dilara Gadirova (Tobolsk)
31. Vadim Biserov (Perm)
32. Nataŝa Ĉistozvonova (Moskvo) +
33. Tatjana Ilutkina (Dimitrovgrad) +
34. Julia Ravina (Uljanovsk ) +
35. Irina Pleŝakova (Uljanovsk) +
36. Aleksandr Ravin (Uljanovsk) +
37. Aleksander Osincev (Ekaterinburgo)
38. Nadeĵda Panova (Tjumeno) +
39. Aleksander Borodin (Kurgan) +
40. Karina Ĥalilova (Ĉeljabinsko) +
41. Aleksandr Kalaŝnikov (Tjumeno)
42. Andreo Ĥiĵnjak (Tjumeno)
43. Margarita Karceva (Uljanovsk) +
44. Valentina Ŝuŝarina (Ĉelabinsk) +
45. Pavel Razbojnikov (Jekaterinburgo)
46. Irina Borisovskaja (Novosibirsko) +
47. Aleksandra Osipova (Jekaterinburgo)
48. Aleksandr Pereskokov (Severouralsk)
49. Nikolaj Popov (Jekaterinburg)
50. Aleksej Dvornikov (Tjumeno)
51. Lidia Ĵvakina (Glazov)
52. Anna Zamoskovnaja (Tjumeno)
53. Marat Faĥrutdinov (Tjumeno)
54. Tatjana Ŝakun (Tjumeno)
55. Galina Gerasimova (Tjumeno)
56. Galina Lopareva (Tjumeno)
57. Roman Bolŝakov (Moskvo)
58. Elvira Insapova (Tjumenj)
59. Nikolao Sokolovskij (Tjumen)
60. Timofej Vŝivcev (Miass)
61. Tatjana Vŝivceva (Miass)
62. Filipp Vŝivcev (Miass)
Signo + montras, ke la kotizo estas ricevita.

Programo de EsPrimo-9

Urboj: 

EsPrimo: 

Por printi la programon, musklaku la butonon "Неделя", poste "Печать" kaj elektu datojn 02/05/2013 - 04/05/2013

Statistiko de EsPrimo-9 en Tjumenj (2-4 de majo 2013)

Urboj: 

EsPrimo: 

Entute renkontiĝon partoprenis 57 personoj el 2 landoj kaj15 urboj de 9 regionoj:



Tjumenj

21

Jekaterinburg

9

Ĉelabinsk

5

Uljanovsk

4

Miass

3

Moskvo

3

Novosibirsk

2

Glazov

2

Ĉeboksaro

2

Tomsk

1

Surgut

1

Severouralsk

1

Rigo

1

Odincovo

1

Dimitrovgrad

1

Inter la partoprenantoj estis 26 viroj kaj 31 virinoj.

Junularon ĝis 30 jaroj konsistigis 25 personoj.

La plej aĝa partopreninto estas Nikolao Popov, kiu havas 78 jarojn, la plej juna - Artjom Veselov - 2 jarojn kaj 10 monatojn.

La plej grandan esperantistan aĝon havas Irina Gonĉarova - 47 jaroj.

Mia unua EsPrimo-9

EsPrimo: 

Darja Zelenina, Ĉelabinsk

Por mi EsPrimo-9 estas jam tria, sed iusence ĝi estas la unua.

La unua, al kiu mi venigis miajn komencantojn. Ili estas Karina kaj Valja, studentinoj pri lingvistiko, ĵus finintaj la deklecionan kurson. Ĉu plaĉis al ili? Jen kion skribas Karina: «Esperantista Primavero-9 en Tjumeno estis neforgesebla tempo kun bonegaj homoj. Se vi estis tie unufoje, vi volos reveni tien ankoraŭ multajn fojojn». Valja aldonas: «Mi ricevis multege da impresoj, tiom da interesaĵoj estis!» Mi dirus, ke ĉe homoj kun ankoraŭ relative malalta lingvonivelo (precipe rusoj) kontenteco kaj strebo esti afabla malfacile distingeblas, sed mi vidis nefalseblan plezuron en iliaj okuloj kaj hazarde aŭdis, ke ili eĉ en ĉambroj inter si parolis esperante.

La unua kun tiom da agrablaj surprizoj: la ludo pri urboj, kiu estis bonega interkona kaj paroliga ilo ne nur, sed speciale por komencantoj; la printita kantaro (kiun ni tamen apenaŭ uzis), bela apudrivera bazejo, bongustega kaj abunda manĝaĵo (mi ne malsatis dum aliaj EsPrimoj, sed ĉi foje la porcioj surprizis min), planitaj kaj neplanitaj metiejoj pri dancado, ludoj dum la tuta nokto.

La unua kun fakaj programeroj. Mi gvidis tri kursojn de esperanto, sed mi apenaŭ ĉeestis kursojn de aliaj kaj tre mankis al mi informoj pri instruado, ĉar profesie mi ne estas instruisto. La ronda tablo pri instruado organizita de Mirina pensigis min pri multaj aferoj, donis novajn ideojn kaj konatigis kun instrumanieroj de aliaj instruistoj.

La unua kun Peĉa Kuĉa: dum regionaj renkontiĝoj oni malofte uzas Esperanton kiel ilon, sed tiu serio de prelegoj estas ĝuste la kazo. Mi aparte ŝatis la prezentaĵojn de Olga Ŝiljaeva pri mondmapoj kaj de V.Opletajev pri vojaĝado tra tempo.

La unua kun tiom ŝanĝema vetero: post forta pluvo kaj vento tuj estas varmega suno, post nelonge la ĉielo iĝas denove nuba, kaj tiel plu. Evidente tjumena vetero tre ĝojis vidi esperantistojn, se ĝi tiom pene zorgis, ke ni ne enuu.

De multaj vidpunktoj tiu EsPrimo estis la unua, sed de neniu ĝi devas iĝi la lasta.

Peĉakuĉo: nova formato konkeras Esperantujon

Urboj: 

EsPrimo: 

Olga Ŝilajeva (Glazov)

Hura! Longa rusa vintro finiĝis. Bela printempo ricevis posedrajtojn pri la tempo. Marto, la 1-a de aprilo, la 15-a , la 29-a, la 30-a… Kaj finfine la 1-a de majo! Ĝuste tiel kalkulas printempajn tagojn esperantistoj de Uralo kaj Siberio. Ne, tute ne Tagon de Printempo kaj Laboro ili atendas, sed alian feston, pli ĉarman kaj mojosan – Esperantistan Primaveron (EsPrimo-n).

 
Ĉi-jare EsPrimo okazis en la bela siberia urbo Tjumeno kaj kolektis 57 homojn el 15 urboj de 2 landoj. Tri printempaj tagoj (la 2-4-a de majo) pasis en amika etoso, unu interesa programero sekvis tuj post alia, ne malpli bela. Prelegoj, kantoj, dancado de argentina ĉakarera kaj vigla belga polko, interpretista konkurso, sportaj ludoj, amika rondo,  kaj certe japana peĉakuĉo, eble la unua en Esperantujo. Ĝuste pri tio estos la artikolo.
 
Do dekomence, kio estas peĉakuĉo kaj de kie aperis tiu stranga (almenaŭ por rusaj oreloj) vorto.
Peĉakuĉo – japandevena vorto, kiun oni povas traduki  kiel “bla-bla-bla” aŭ “senorda babilado”.
 
Tamen en la realo peĉakuĉoj tute ne estas nur sensencaj kunvenoj de babilemaj homoj. Tio estas neoficialaj intelektaj eventoj, dum kiuj homoj prezentas iun temon per 20 bildoj, parolante nur 20 sekundojn pri ĉiu bildo – entute 6 minutojn 40 sekundojn por unu prezentaĵo. Poste spektantoj havas 6 minutojn kaj 40 sekundojn por fari demandojn al la parolanto. Kaj post tio nova persono komencas prezenti sian temon.
 
Elpensis peĉakuĉon loĝantaj en Tokio du aŭstroj Astrid Klein kaj Mark Dytham en la jaro 2003.  La vorto kaj la aranĝo mem disvastiĝis tra la tuta planedo.  Hodiaŭ peĉakuĉoj pasas en pli ol 600 urboj de la mondo.  En Rusio tiuj estas Moskvo, Peterburg, Jekaterinburg, Permj, Vladimir, Samara, Rostov kaj Glazov.
 
Kiel aperis la ideo organizi la unuan peĉakuĉon? Kiam Astrid Klein kaj Mark Dytham fondis en Tokio la arkitekturan oficejon – KDA (Klein Dytham Architecture), ili devis ĉiutage aŭskulti multnombrajn prezentadojn de siaj kolegoj. Vi scias, ke kreemaj homoj parolas ege multe! Donu al tiu homo mikrofonon, kaj li/ŝi parolos eterne. Arkitektoj kaj dezajnistoj ne estas escepto. Astrid Klein kaj Mark Dytham laciĝis pro longaj paroladoj kaj komencis serĉi solvon de la problemo. Do ili starigis regulojn por ĉiuj prezentantoj – via  raporto devas konsisti el 20 bildoj kaj pri ĉiu bildo vi rajtas rakonti nur 20 sekundojn.
 
Komence peĉakuĉoj estis do nur renkontiĝoj de junaj arkitektoj kaj dezajnistoj.  Tamen dum mallonga periodo la aranĝo elŝprucis el la kadroj, kiujn kreis Astrid kaj Mark, kaj kiel infekto disflugis tra la tuta mondo.
 
Nun peĉakuĉoj estas aranĝataj en diversaj lokoj, kie estas spaco por babili, pensadi kaj ripozi – en kluboj, kafejoj, ĝardenoj, universitatoj, bibliotekoj, preĝejoj, forlasitaj malliberejoj, sur plaĝoj, en basenoj kaj eĉ en ŝtonminejoj!
 
La prezentaĵojn povas krei iu ajn. Ekzemple la filino de Astrid Klein faris sian unuan raporton (pri memfaritaj pentraĵoj), kiam ŝi estis nur 5-jara. La patrino de Mark Dytham, kiam ŝi havis 69 jarojn, rakontis dum peĉakuĉo en Tokio pri geedziĝa torto, kiun ŝi mem bakis.
 
La formo 20х20 permesas montri mallongajn, viglajn, atentokaptajn rakontojn, ĉar por sukcese sekvi la proponitan formaton, necesas elekti ĉion plej interesan – la plej bonajn fotojn, la plej interesajn komentojn, la plej taŭgan manieron de sindeteno, la plej trafan humuron ktp. Oni povas prezenti  ion ajn - novan projekton, unikan ideon, recepton de ŝatata kuko, rimedon kontraŭ dikiĝo, Fibonaĉi-nombrojn, sian sperton pri petveturado, infuzado de teo ktp ktp. Ne ekzistas limoj por libera flugo de fantazio! Pro tio peĉakuĉojn povas partopreni infano kaj plenkreskulo, specialisto kaj  nemetiisto, loĝanto de urbo kaj de vilaĝo, dommastrino kaj ĉefo de “ ora” fabriko – unuvorte ĉiu, kiu volas en neoficiala etoso dividi sian sperton en io kun aliaj homoj, rakonti pri tio, kio emociigas lin/ŝin, trovi partnerojn (eble eĉ klientojn), samideanojn, kompreni ion por si mem kaj trejniĝi en publika parolado. Por spektantoj peĉakuĉoj estas ankoraŭ unu bona ebleco plivastigi sian intelektan horizonton. Jen tiel kurte kaj resume pri  pecxakucxo. Mi esperas, ke nun la vorto ne ŝajnas al vi tia stranga kaj strida. Kaj ni revenu al EsPrimo-9.
 
Aleksander Osincev, talenta junulo el Jekaterinburg, sperta esperantisto,  direktoro de la unua Esperanta Kinofestivalo (Brazilo, San-Paulo, 2011)  jam vintre enkapigis la ideon aranĝi peĉakuĉon dum EsPrimo en Tujmeno. Dirite – farite!
Kaj jen estas la 2-a de majo kaj jam Saŝa staras sur scenejo kaj invitas la unuan peĉa-prezentanton – Vladimir Opletajev-n el la urbo Surgut.
 
“Ĉu vi pretas?” – demandas Saŝa. “Jes!” – elspiras Vladimir ridetante, ja tio por li estas la unua sperto en peĉakuĉo. “Do mi ŝaltas la lumbildojn!” – respondas Saŝa, antaŭĝuante intelektan rakonton.
 
“Tempovojaĝo estas translokiĝo de homo, alia vivanta organismo aŭ objekto el la nuna tempo en iun konkretan momenton de la estinta aŭ estonta tempoj ....” – komencas sian rakonton Vladimir, sukcese trafante la formaton “20x20”.  “Ĉu vi sciis, ke eblas vojaĝi en estontecon, sed neniam en pasintecon? Ĉu vi aŭdis pri “talpaj truoj” , “paradokso de ĝemeloj” kaj “paralelaj universoj?” Ĉu vi bone komprenas la teorion de relativeco de Ejnŝtejno?” – demandas spektantojn kaj daŭrigas la rakonton Vladimir.
 
Do kiel vi komprenis la temo, prilumigata de V.Opletajev, estas “Vojaĝado tra la tempo”.  Esti la unua ĉiam iomete malfacilas en iu ajn afero, sed Vladimir brile plenumis sian taskon, kaj lia prezentado estis unu el la plej interesaj. Tamen, kurante antaŭen, mi malkovros al vi la sekreton – ĉiuj prezentaĵoj dum la peĉakuĉo en Tjumeno estis interesaj kaj allogaj.
 
Jen la sekva prezentanto surpaŝas la scenejon. Tio estas Viktoro Kudrjavcev el Jekaterinburg, kaj li jam senpacience volas rakonti pri Rimaro. “Ĉu vi pretas?” – Saŝa demandas. “Jam delonge,” – respondas kuraĝe kaj firme Viktoro. Kaj la unua lumbildo aperas sur la ekrano. Tiuj el vi, kiuj skribas versaĵojn en Esperanto, scias, kiel malfacile foje estas trovi konvenan rimon. Vi sidas kaj ronĝas skribilon, ĉifas kaj forĵetas en rubujon multajn paperojn, ĝis kiam venos en la kapon taŭga kaj ĝusta vorto. Ne rompu la cerbon, alparolu Viktoro-n, kaj li trovos por vi la rimon, eble eĉ plurajn, kaj vi povos elekti la plej karan por via koro.
 
Kiam la prezentado finiĝas kaj sekvas tempo por demandoj, tuj aperas persono, kiu proponas komputilan helpon al Viktoro en la kreado de Rimaro. Tio pruvas do ankoraŭfoje, ke peĉakuĉo estas aranĝo, kie oni povas trovi por si partneron, helpanton, samideanon ktp. Ne vane ja ni lanĉis la eventon.
 
Dum homoj varme aplaŭdas al Viktoro, Olga Ŝilajeva, esperantistino el Glazov, sekvas. La temo de ŝia prezentaĵo – “Tiel la mondo…aspektas”. Malgraŭ ke profesie Olga estas ekonomiisto kaj nun instruas ekonomion en universitato, ŝi interesiĝas pri geografio kaj ekde infanaĝo ŝatas esplori mapojn – ĉu mondajn, regionajn aŭ urbajn – ne gravas. Do,  Olga kolektas mondmapojn de diversaj landoj.
 
“Vidu, jen tiel aspektas la mondo de ĉinoj, jen tiel tiu de brazilanoj, jen la mondmapo de Usono, kaj jen de Aŭstralio,” – montras fotojn kaj rakontas Olga. “Fakte la temo por prezentado naskiĝis de aŭstralia mapo, kiam mi rimarkis ĝin en la rusa socia reto VKontakte,” – daŭrigas Olga sian prelegon, kiam la publiko vidas sur la ekrano aŭstralian mondon, kiu aspektas tro nekutime por ni: sudo sur tiu mapo troviĝas supre kaj nordo – sube, do la mondo estas renversita. Kaj alia interesa scio, kiun dividas Olga kun la spektantoj, estas ke ĉiu popolo metas sian landon en la centron de “sia” mondo. La bildoj, montritaj de Olga, argumentas la teorion.
Ekde tiu tempo la spektantoj fariĝas pli viglaj, ili ja komprenis la sencon de peĉakuĉo kaj ne opinias jam la eventon fremda kaj malfavora. La peĉakuĉo pli kaj pli logas ilin. Bonege!
 
Kaj jen jam Aleksander invitas la sekvan peĉakuĉanon: “Jekaterina Arbekova el Novosibirsk. Fabelo pri RA. Renkontu kaj aplaŭdu!”.
RA - Renkontiĝo de Amikoj - estas tradicia tendaro de la Novosibirska Esperanto-klubo. RA okazas ĉiujare, en Rusio aŭ Ukrainio, kaj  ĉiam distras partoprenantojn per diveresspecaj programeroj: du-nivelaj E-kursoj, sportumado, metiejoj, lernado de E-kantoj, ekskursoj ktp. Ĉi-jare okazos jam la 8-a RA. Ĝi pasos la 8 -15-an de julio en Krimeo je 120 kilometroj de Eŭpatorio en pitoreska sovaĝa loko apud la maro. Ĝin tuj postsekvos la ukraina aranĝo ”Rideto”- Internacia familia E-tendaro. Tio estos do bona ebleco havi du-semajnan ripozon inter esperantistoj! Aliĝu!
 
Sed kial la temo nomiĝas “Fabelo pri RA”? Jekaterina rakontis ĉiun historion de RA, de kiam la “infano” faris nur siajn unuajn paŝojn ĝis nun, kiam ĝi jam fariĝis 8-jara”.
 
Kiam venas tempo por demandoj, ĉiuj kun rideto ekscias, ke la infano RA estas “li”, do estas knabo. “Sed, Katja, ĉu vi ĝustas pri tio, ke RA havas viran sekson, kaj kiel vi komprenis tion?” – demandas la scivolema publiko. “Ĉu iu ajn patrino iam dubis pri la sekso de sia bebo? Ekde komenco mi sciis, ke RA estas li!” – metas dikan punkton al la diskuto J.Arbekova.
 
Pretas paroli Nadeĵda Borisova el Tjumeno, avino de la plej juna partoprenanto de EsPrimo-9, Artjom Veselov. Nadeĵda faras prelegon kaj montras fotojn, kiel ŝi kun la nepo vojaĝis al Bajkalo. Artjom estas ege vojaĝema kaj kuraĝa knabeto. Estante nur 3-jara, li jam vidis multon, konatiĝis persone kun pluraj esperantistoj kaj eĉ helpis al la gepatroj aranĝi EsPrimo-n. Kiam oni vidas tiajn ĉarmajn knabojn-partoprenantoj de E-renkontiĝoj, oni eĉ ne dubas, ke Esperanto vivos, kaj ke la lingvo havas estontecon.
 
Tiel finiĝas la unua parto de la peĉakuĉo. Domaĝe! Ni devas atendi la tutan diurnon por ĝui prelegojn de la restintaj partoprenantoj. Sed bonaĵojn oni devas ricevi poiomete, po malgrandaj porcioj, por ke ili ne fariĝu kutimaj, tedaj aferoj. Do ni atendu morgaŭon!
Kaj jen finfine venas la morgaŭa tago kaj kun ĝi la dua parto de la peĉakuĉo.  Malfermas la liston de prezentantoj ĉi-foje Raja Kudrjavceva el Jekaterinburg per prelego pri vivo de la Jekaterinburga E-klubo “Arĝenta Flamo”. Jekaterinburganoj ne nur havas lecionojn kaj oficialajn klubajn kunvenojn, ne nur okupiĝas pri ĉiutagaj farendaĵoj, sed ili ankaŭ ofte vizitas teatrojn kune, festas naskiĝtagojn de klubanoj, marŝas al montaroj, akceptas gastojn el aliaj urboj kaj landoj - ili vivas do! “Arĝenta Flamo”, ŝajnas, estas ne nur klubo de esperantistoj, sed ankaŭ klubo de bonaj amikoj. Eĉ blindaj esperantistoj estas plenrajtaj kaj aktivaj partoprenantoj de la klubo. “Bravuloj estas membroj de “Arĝenta Flamo”!” – konstatas la spektantoj kaj faras demandojn al Raja pri planoj de la klubo ktp.
 
Nun Saŝa Osincev, la gvidanto, ekpaŝas la podion por inviti prezentantinon el Ĉelabinsk -  Darja Zelenina-n, kiu studas lingvojn en universitato kaj emas rakonti pri sia propra sperto, kiel efike lerni lingvojn. Ĉiam estas pli oportune uzi metodojn,  kiuj jam estis aprobitaj de iu. La lingvkapabloj de Daŝa estas bonega ekzemplo, ke la metodiko vere funkcias kaj estas fruktodona. “Lernu lingvojn ĉiutage, minimume dum 5 minutoj, nepre trovu kunparolantojn, ĝuu la procezon. Se vi sentas, ke la studado tedas vin, ŝanĝu teknikaĵon aŭ aliajn instruilojn, kaj kio la plej gravas – starigu konkretajn celojn. Jen la reguloj de efika lingvolernado,” - konstatas Darja. “Daŝa, kiujn lingvojn vi posedas?” – estas la demando el la publiko. “La anglan, la germanan, la svedan, la francan, la nederlandan  kaj certe Esperanton. Kaj nun mi lernas la finnan, uzante la saman metodikon,” – respondas Daŝa. Tre unika junulino ŝi estas!
 
Jam staras apud la ekrano samurbanino de Daŝa, Galina Terentjeva, kaj montras al la publiko belajn fotojn pri sia vojaĝo al la etna centro “Akvilon” (Ĉelabinska provinco), kie turistoj povas amikiĝi kun ĉarmegaj bonkoraj hundoj, spertiĝi pri vivo en jarango (ĝi estas konusforma tendo-tipa loĝejo de siberiaj nomadoj), konatiĝi kun Avo Frosto de nordaj popoloj kaj eĉ pensigi al si propran deziron. Galina ne sola turismadis, sed ankaŭ kun sia edzo Nikolao kaj esperantista amiko el Francio -Matthieu (Matjo). Galina invitas ĉiujn veni al “Akvilon” kaj havi bonegan tagon tie inter belega naturo, pura aero kaj ĉarmegaj hundoj.
 
“Dankon al Galina, kaj por fermi la peĉakuĉon mi invitas  Marina Stepaĉova-n el Tjumeno. Marina rakontos al ni pri unu el la plej kreivaj kaj originalaj arkitektoj kaj desegnistoj, pri la plej fama el la reprezentantoj de la kataluna modernisma skolo - Antonio Gaudi,” – diras estre Saŝa. Sur la ekrano la publiko vidas foton de La Sagrada Familia  en Barcelono, kiu estas la plej konata granda katolika preĝejo, preskaŭ katedralo, al kiu Gaŭdi dediĉis la lastajn jarojn de sia vivo, kaj kiu, preskaŭ 80 jarojn post lia morto, ankoraŭ ne estas finita. Potse sekvas fotoj de Casa Milà, Casa Batlló, Palau Güell, Parc Güell – konstruaĵoj en Katalunio; kaj Episkopa Palaco de Astorga kaj Casa Botines - en Leono. “Antonio Gaŭdi estas la arkitekto, pridiskutata pro la aŭdaco kaj originaleco de siaj kuraĝaj ideoj jam en sia tempo, post periodo de relativa forgeso kaj neglekto, nuntempe ĝuas popolan admiron, kaj en la tuta mondo lia aŭtoritato vere plifortiĝis en diversaj rondoj, ne nur fakaj,” – finas la prelegon Marina. Tute hazarde la lasta prezentaĵo de nia peĉakuĉo koincidis kun la ĉefa temo de la unuaj peĉakuĉoj en Tokio – arkitekturo.
 
“Mi dankegas ĉiujn partoprenantojn pro viaj interesaj, bone preparitaj rakontoj. Mi estas ege dankema al la karaj spektantoj pro saĝaj demandoj kaj vera engaĝiĝo. Sen vi nia peĉakuĉo ne okazus. Kaj jen malgrandaj donacoj por vi,” – diras Saŝa kaj disdonas KD-ojn. “Dankon al vi, kara Aleksander, pro via kreemo, ĝojigu nin daŭre per novaj projektoj,” – sincere respondas la publiko.
 
Jes, ĉio havas sian finon. La dutaga peĉakuĉo finiĝis. “Ĉu bedaŭrinde aŭ feliĉe?” – demandos vi. Mi bedaŭras, ke en la plej proksima tempo mi ne ĝuos tiun eventon inter esperantistoj (kvankam junie okazos nia 3-a urba peĉakuĉo, sed ĝi ja ne estos programo en Esperanto). Sed mi feliĉas, ke mi havis eblecon partopreni mem kaj aŭskulti belegajn prezentadojn de aliaj homoj dum EsPrimo-9, ekscii multon, fari konkludojn kaj inspiriĝi por novaj similaj aranĝoj.
 
P.S. Kiam sabate, la 4-an de majo, ni adiaŭis unu urbon post la alia kaj nia rondo de partoprenantoj de EsPrimo-9 fariĝis pli kaj pli malvasta, mi sentis, ke kun tiuj adiaŭoj forveturas al aliaj urboj parteto de mi, kaj mi iĝas malplena.
Karaj amikoj, dankon al vi pro la ĉarma etoso, pro viaj varmaj koroj kaj sinceraj vortoj. Dankon pro nova sperto. Tiuj printempaj tagoj jam okupis sian lokon en mia animo kaj por ĉiam restos tie. Mi fojfoje eligos ilin.
 
Olga Ŝilajeva  (Glazov)
 
Speciala festa kuko por EsPrimo - 9
 
 

Vladimir Opletajev estis la unua prezentanto dum la peĉakuĉo. Lia neordinara prezentaĵo nomiĝis " Vojaĝado tra la tempo"

 
 

La prezentaĵo de Vladimir vokis grandan intereson de la publiko, tial multis demandoj post ĝi.

 
 
Viktoro Kudrjavcev rakontis dum la peĉakuĉo pri Rimaro en Esperanto.
 
 
      

 Ankaŭ la tempo por demandoj dum la peĉakuĉo flugas tre rapide

 
 

Esperantistino el Glazov Olga Ŝilajeva en sia interesa prezentaĵo "Tiel la mondo... aspektas" parolis pri diverslandaj mapoj.

 
 

La publiko dum la peĉakuĉo tute ne enuis kaj faris multajn demandojn al la prezentantoj

 
 

Nadeĵda Borisova el Tjumenj rakontis en la prezentaĵo pri sia alloga vojaĝo al Bajkal

 
 

La dua parto de peĉakuĉo komenciĝis de la prezentaĵo de Raja Kudrjavceva, dediĉita al jekaterinburga E-klubo "Arĝenta flamo"

 
 
Darja Zelenina el Ĉelabinsk dividis kun la publiko la propran sperton 'Kiel efike lerni lingvojn"
 
 

Mem Daŝa posedas la anglan, germanan, francan, svedan, nederlandan lingvojn kaj nun laŭ tiu ĉi metodiko lernas la finnan

 
 

En la prezentaĵo de Galina Terentjeva temis pri la interesa vojaĝo al etno-centro "Akvilon" en Ĉelabinska gubernio.

 
 
Galina proponis al la ĉeestantoj iam kune viziti Akvilon-centron
 
 
Prezentaĵo de Marina Stepaĉova pri unika arkitekturo de Gaudi kronis la peĉakuĉon.
 
 
La ĉeestanta publiko aktive reagas per rido, demandoj kaj aplaŭdoj.
 
 
Aleksander Osincev disdonas la premiojn al la aktivaj partoprenantoj de la aranĝo
 
 
Komuna foto de la partoprenintoj de "EsPrimo-9"
 
 
 
 

 

Kelkaj impresoj pri "EsPrimo-9" de jekaterinburgaj gejunuloj

Urboj: 

EsPrimo: 

Jekaterina Zamyslova, Jekaterinburg
Aleksandra Osipova, Jekaterinburg
Pavel Vavilin, Jekaterinburg

Jekaterina Zamyslova, Jekaterinburg

Kun granda plezuro mi partoprenis nian regionan renkontiĝon “Esprimo-9” en Tjumeno!

Al mi plaĉis, ke ni loĝis en bela, komforta ripozejo "Raduga" apud la urbo. Kontrau ne tre altaj prezoj pro loĝado kaj manĝado, ni ricevis kondiĉojn pli bonajn, ol ni povis deziri: modernajn, helajn ĉambrojn, mirindan naturon ĉirkaŭe, bongustajn manĝojn trifoje.

La vojaĝo de nia dekpersona E- grupo de Jekaterinburgo al Tjumenj kaj reen ankau estis tre sukcesa, ĝoja kaj gaja. La renkontiĝo donis al ni ŝancon praktiki Esperanton kaj pasigi interesan tempon kune kun niaj malnovaj kaj novaj amikoj el diversaj urboj.

Nia grupo havis kelkajn genovulojn, kaj mi pensas, ke la vojaĝo kaj partopreno en la renkontiĝo helpis al ili kompreni: ĉu Esperanto estas interesa afero aŭ ne. Mi esperas, ke la renkontiĝo plaĉis ankau al ili, kaj ili volos estonte viziti esperantajn renkontiĝojn ankorau multfoje. Mi atendas iliajn impresojn de la vojaĝo!

Grandan dankon al la organiza teamo de la renkontiĝo! Ĉio pasis bone, glate, interese kaj gaje! Laŭ mi la plej interesaj programeroj estis: Peĉa-Kuĉa, leciono de dancoj, sportumado kaj Festo de Jubileo de Revo, dum kiu estis tre amika kaj ĝoja etoso, ni gustumis la bongustan kukon, bakitan de tjumena esperantistino Elvira kaj gaje dancis.

Dankon al ĉiuj, kun kiuj mi pasigis belegan tempon dum la renkontiĝtagoj! Mi ne tre ofte vizitas E-renkontiĝojn, sed ĉiu foje mi ĝojas kiel infano, kiam vidas ĉiujn E-amikojn! Esperanto havas grandan lokon en mia koro!

 

Nia renkontigxejo estis la bazejo "Raduga"

 

Tiel romantike aspektis la bazejo nokte

 

Katja inter malnovaj kaj novaj E-amikoj

 

Sasxa Osincev dum la programero "Pecxakucxo", kiun li gvidis

 

Ankau Katja tre sxatas danci, sed shi, bedaurinde, devis foti..

 

Gejunuloj dum la metiejo pri dancado.

 

Dum "lingvaj ludoj", kiujn gvidis Dasxa Zelenina, estis tre gaje

 

Dum  la festo, dedicxita al 40-jara jubileo de tjumena E-klubo "Revo"

 

Jekaterinburganoj disdonas al la tjumenanoj donacetojn, speciale preparitajn okaze de la jubileo

 

La jubilea festo komencigxis de la amika valso

 

La tablo por la jubilea festeno pretas

 

Gaja dancado dum la jubilea festo

 

"Ho, miaj amikoj sinceraj..."

 

Aleksandra Osipova, Jekaterinburg

“ EsPrimo-9” estis la dua EsPrimo por mi. Kaj la unua en mia vivo okazis en Tobolsk, en 2011-a.

 Sendube, la ĉi-jara renkontiĝo tre sukcesis. En tio estis granda merito de tjumenanoj, kiuj montris sin kiel tre bonaj organizantoj. Jam de la momento de nia alveno per trajno al Tjumena stacidomo ni eksentis nin “en bonaj manoj”, ĉar malgrau la frua matena horo nin atendis tie Marina Stepaĉova. Tio estis tre agrable.

Du belegajn tagojn ni pasigis en tre pitoreska loko apud Tjumeno, en komforta bazejo “Raduga”. Freŝa arbara aero, apuda rivero, bela prizorgita kaj pura teritorio de la bazejo, komfortaj kondiĉoj – ĉio ĉi kreis agrablan kaj senĝenan etoson por la komunikado kaj realigo de la programo de “EsPrimo-9”.

Persone por mi similaj renkontiĝoj estas, antau ĉio. festo de komunikiĝo. Mi jam konis multajn el la partoprenantoj kaj estis tre agrable revidiĝi kun miaj malnovaj amikoj, ja ni loĝas en diversaj urboj kaj ne povas ofte renkontiĝi. Sed ankau la novaj konatiĝoj donacis al mi amason de pozitivaj impresoj. Mi opinias, ke tre utilaj por senperaj kontaktoj inter gejunuloj estis danca metiejo, kuna sportumado kaj diversaj ludoj.

Krome mi plezure mergiĝis en la Esperantloingvan medion de la renkontiĝo dank’ al diversaj prezentaĵoj, konkursoj kaj aliaj variaj programeroj  kadre de la renkontiĝo. Ĉi tio helpis al mi plibongi mian lingvokonon kaj ekscii multan novan. Mi tre ŝatus libere posedi Esperanton por facile komunikiĝi kun esperantistoj de diversaj landoj!   

La organizanto de "EsPrimo-9", Marina Stepacxova, dum la solena malfermo de la renkontigxo.

 

La organizanto de "EsPrimo-9" en Tjumeno, Pavel Veselov, facile trovas komunan lingvon kun teknikajxoj.

 

Novosibirskaninoj en la korto de la bela kaj komforta bazejo "Raduga"

 

La renkontigxon partoprenis multe da gejunuloj el diversaj urboj.

 

Neforgesebla, gaja dancado!

 

Ho, cxakarera!

 

Sportumado en la  fresha aero.

 

 Dum la interkona vespero

Gajaj prezentajxoj de la interkona vespero

 

Irina Goncxarova gvidis dum "EsPrimo-9" la "rondan maltablon" pri instruado

 

Lingvaj ludoj por gejunuloj

 

Pavel Vavilin, Jekaterinburg

La unuan fojon mi partoprenis la regionan renkontiĝon -“EsPrimon”-n. Antaŭe mi neniam partoprenis similajn aranĝojn, tial mi ne povas kompari kun io. Sed multo al mi plaĉis.

Unue tio, ke mi vojaĝis al Tjumeno kaj malkovris por mi la belan urbon, kun interesaj historiaj kaj arkitekturaj vidindaĵoj; la urbo plaĉis al mi.

Due, mi konatiĝis kun multaj esperantistoj. Tio plaĉis al mi  eĉ pli, ol la urbo. Inter esperantistoj multas interesaj personoj, “EsPrimon – 9” partoprenis multaj spertaj esperantistoj, tre bone parolantaj Esperante kaj mi plezure auskultis ilian paroladon. Sed multis ankaŭ junaj personoj, kiuj tre interesiĝas pri la lingvo kaj ankaŭ nemalbone posedas ĝin. Estas tre utile konatiĝi kun tiuj samaĝuloj kaj tio igas min lerni Esperanton pli bone.

Trie, al mi plaĉis ankaŭ la programo de “EsPrimo-9”, en kiu estis utilaj prelegoj, allogaj programeroj, interesaj teatraĵoj,  dancoj, kantoj, muziko. Mi tre ŝatis aŭskulti la radioteatraĵeton “Tabla Laktolo”. Ankaŭ plaĉis al mi, ke ni kune ludis viglajn sportajn kaj ĉetablajn ludojn. Dum la renkontiĝo mi mem gvidis metiejon pri dancado. Estis interesa sperto por mi, ĉar la unuan fojon mi faris tion en Esperanto.  Mi ĝojis, ke multaj volonte dancis.

Tio estis tre interesa, utila kaj memorinda E-renkontiĝo! Dankon al ĉiuj partoprenintoj pro la ricevitaj de mi bonaj impresoj!

Pavlo kun la novaj E-amikoj dum "EsPrimo-9"

 

Kelkaj esperantistoj-spertuloj: S.Strasxnenko el Rigo, I.Goncxarova el Odincovo, R.Bolshakov el Moskvo, V.Minin el Tomsko

 

Ankorau unu bele esperanto-parolanta spertulo Vladimir Opletajev

 

Aleksandro Kalasxnikov - sperta esperantisto el Tjumeno

 

Vespere, en la rondo de samagxuloj

 

Gejunuloj sxatis ludi

 

Dum lingvaj ludoj kaj konkursoj

 

Sportumado en la korto de la bazejo. Supre staras la gajnintoj.

 

Dum la prezentado de la radio-teatrajheto

 

Prezentado de la radio-teatrajxeto  "Tabla Laktolo"

 

Metiejon pri dancado gvidis Pavel Vavilin

 

Komuna foto de "EsPrimo-9"